U‐Hamose 6

₁Makube nzima kubo abasekwonwabeni e‐Ziyone, nakubo abasekunqabeni entabeni ye‐Samariya, abadumileyo besiqalo sezizwe, abati indlu ka‐Sirayeli beza kubo! ₂Gqitelani e‐Kalene, nibone; nimke apo niye e‐Hamati enkulu; nandule nihlele e‐Gate yama‐Filistiya: bezilungile pezu kwezikumkani ezi na? imida yazo ibimikulu kwimida zenu na?

₃Makube nzima kubo abakwelelisa kude imini yobubi, nabasondeza isihlalo sokuqobola; ₄abalala emandlalweni yopondo lwendlovu, nabazolula ezintweni zokupumla zabo; abadlayo amatakane emhlambini, namatole kwa pakati kwesitale; ₅abahlabelayo ngentlokoma yehadi, abati, njengo‐Davide, baziqingela izinto zokuculisa; ₆abaselayo ezindebeni zeveyine, nabazitambisayo ngamafuta anqabileyo; kanti abanabuhlungu ngenxa yokwapuka kuka‐Josefe. ₇Ngako oko kaloku bofuduka nabatinjwa bokuqala, kwakuya kumka ukumemeza kwabazolulayo.

₈Inkosi e nguyehova izifungile: utsho uyehova, utixo wemikosi, ukuti: Ndiyabuzonda ubungcwalisa buka‐Yakobi, ndiyazitiya nendlukazi zake: ngako oko ndosinikela isixeko, nako konke okukuso. ₉Kwakuya kuti, ukuba kusele amadoda alishumi endlwini nye, aya kufa nawo. ₁₀Kanjalo umalamane womntu, kwa lowo omtshisayo, womtabata, kuze kususwe amatambo ake endlwini; waeya kuti kulowo osemacaleni endlu: Useko nawe umntu na? waeya kuti yena: Akuko namnye. Uya kwandula ati: Tutu! ngokuba singekankanye igama likayehova. ₁₁Ngokuba, bona ke, uyehova eyalele, waeya kubeta indlu enkulu ngentanda, nendlu encinane ngemifanta.

₁₂Amahashe aya kubaleka na pezu kweliwa? kwopulushwa na kona ngenkabi? ngokuba niguqule ubugwebo bube yinyongo, nesiqa̔mo sobulungisa sibe ngumhlonyane: ₁₃nina nivuyayo ngento engendawo, eniti: Asizitabatelanga impondo ngawetu amandla na? ₁₄Kodwa, bona ke, ndiya kuvusa isizwe ngakuni, ndlu ka‐Sirayeli! utsho uyehova, utixo wemikosi; babeya kunibandezela, kwa sekungenweni kwe‐Hamati kude kube semlanjaneni wasetafeni.