U‐Hamose 2

₁Utsho uyehova ukuti: Ngenxa yezigqito ezitatu zika‐Mowabi, nangenxa yezine, andiyi kubuyisa ukugwetywa kwake; ngokuba etshisile amatambo okumkani we‐Edome ada aba yikalike. ₂Ngako ndiya kutuma umlilo e‐Mowabi, oya kuzidla izindlukazi zase‐Keriyote; waeya kufa u‐Mowabi ngesipitipiti, ngesimemezo, ngentlokoma yexilongo. ₃Ndandiya kunqamla umgwebi pakati kwayo, nazo zonke inkosana zayo ndozibulala kunye naye, utsho uyehova.

₄Utsho uyehova ukuti: Ngenxa yezigqito ezitatu zo‐Juda, nangenxa yezine, andiyi kubuyisa ukugwetywa kwabo; ngokuba umteto kayehova bewudelile, nemimiso yake bengayigcinanga; nezinto ezilulwimi zabo zibalahlekisile, ezo bazilandelayo oyise babo. ₅Ngako ndiya kutuma umlilo kwa‐Juda, oya kuzidla izindlukazi zase‐Yerusaleme.

₆Utsho uyehova ukuti: Ngenxa yezigqito ezitatu zo‐Sirayeli, nangenxa yezine, andiyi kubuyisa ukugwetywa kwabo; ngokuba betengisile abalungileyo ngesilivere, nabasweleyo ngesibini sezihlangu; ₇ababefulelayo utuli lwomhlaba pezu kwentloko yamahlwempu, nendlela yabalulamileyo bayayipambukisa; indoda noyise wayo bayangena kwenye intombi, ukuze balidyobe igama lam elingcwele; ₈bayazolula pezu kwengubo ezibanjiselweyo, kufupi nezibingelo zonke; bayasela iveyine yabahlaulisiweyo, endlwini yotixo babo. ₉Noko, ebendim owatshabalalisayo um‐Amori pambi kwabo, obude bunjengobude besedare, obenamandla njengeyeke; ndatshabalalisa ke isiqa̔mo sake pezulu, nengcambo zake ngapantsi. ₁₀Kanjalo ebendim owabeninyusa elizweni le‐Jipete, ndanikokela entlango iminyaka yamashumi mane, niye kufuya ilizwe lom‐Amori. ₁₁Ndaza ndavusa konyana benu babe ngabaprofite, nakwamadodana enu abe ngabanaziri. Akunjalo na, nina lusapo luka‐Sirayeli? utsho uyehova. ₁₂Kodwa nabeniseza abanaziri iveyine, nabayalela abaprofite ngokuti: Ningaprofiteshi. ₁₃Bona ke, ndiya kunishicilela pantsi, njengokuba ishicilela inqwelo ezele zizitungu. ₁₄Ngako intsabo iya kububela onamendu, nowomeleleyo akayi kuwomeleza amandla ake, noliṙoti akayi kuzisindisa yena. ₁₅Kanjalo opeteyo isipeta akayi kuma, nonyawo zinamendu akayi kusinda; okweleyo ehasheni akayi kuzisindisa naye. ₁₆Ewe, ontliziyo ikalipileyo pakati kwamaṙoti uya kwesaba zé ngomhla lowo, utsho uyehova.