1Madoda, bazalwana nobawo! yivani ukuzitetelela kwam endikuteta kuni ngoku. 2(Babesitike bakuva ukuba uyateta kubo ngokuteta kwama‐Hebere, bati tu ngakumbi; waza wati:) 3Mna ke ndiyindoda engum‐Juda, ndizalelwe e‐Tarese yase‐Silisiya, kodwa ndondlelwe kwisixeko esi ngasezinyaweni zika‐Gamaliyeli, ndifundiswe ngesiko elizalisekileyo lomteto wobawo betu, ndizondelela utixo, njengokuba nina nonke ninjalo namhla: 4endite lendlela ndayitshutshisa kwada kwasekufeni, ndinxiba ndinikela ezintolongweni namadoda namankazana; 5njengokuba nomperisite omkulu endinqi̔nela, nayo yonke intlanganiso yabadala; endandisamkela kubo nencwadi ziba̔lelwe abazalwana, ndahambela e‐Damakusi, ukuya kuzisa nabo abebekona benxityiwe e‐Yerusaleme, ukuze babetwe. 6Kwaye kute, nxa ndibe ndihamba, ndisondela e‐Damakusi ngasemini enkulu, kwati benge ngokwalama inkanyiso enkulu ivela ezulwini indingqonga. 7Ndaza ndawa ngasemhlabeni, ndeva ilizwi lisiti kum: Saulusi, Saulusi! uyanditshutshisela nina? 8Ndati ke mna ukupendula: Ungubanina, Nkosi? Yaza yati kum: Mna ndingu‐Yesu um‐Nazarete, lowo umtshutshisayo. 9Kekaloku abo babenam bayibona okunene inkanyiso, boyika ke; kodwa ilizwi lalowo ubeteta kum abaliva. 10Ndaza ndati: Ndiya kwenza nto nina, Nkosi? Yayisiti inkosi kum: Suka, uye e‐Damakusi; wauya kutyelwa apo ngazo zonke ezonto umiselwe ukuzenza. 11Naxeshekweni bendingenakubona ngenxa yobungcwalisa benkanyiso leyo, ndati nditundezwa ngesandla ngabo ababeko nam, ndeza e‐Damakusi.
12Waza u‐Hananiya otile, indoda ebedeshekileyo ngokwomteto, inqi̔nelwa kakuhle ngawo onke ama‐Juda abehlala kona, 13weza kum, wema kufupi, wati kum: Mzalwana Saulusi! yamkela ukubona kwako. Ndaza ndati kwa ngeloxeshana ndakangela ngakuye. 14Waza wati yena: Utixo wobawo betu wamisela wena pambili ukuyazi intando yake, nokumbona olungileyo, nokuliva ilizwi livela emlonyeni wake: 15ngokuba uya kuba linqi̔na lake kubo bonke abantu, ngezozinto uzibonileyo nozivileyo. 16Nakaloku ulibala nganina? suka, ubapitizeshwe, uhlanzwe ezonweni zako, ubiza egameni lenkosi.
17Kwaza kwati, ndakuba ndibuye ndeza e‐Yerusaleme, nanxa benditandaza etempileni, ndandikulo ipupaṙa, 18ndabona yona isiti kum: Nxama, upume kamsinya e‐Yerusaleme; ngokuba bengayi kwamkela ukunqi̔na kwako ngam. 19Ndati ke mna: Nkosi! bayazi bona kakulu ukuba ndibe ndibafaka entolongweni, ndabatyabula kuzo zonke izindlu zentlanganiso, abo babekolwa kuwe: 20naxeshekweni belipalazwa igazi lika‐Stefane inqi̔na lako, ndibe ndimi kona kwa nam, ndatakazela ukubulawa kwake, ndazigcina ingubo zabo ababembulala. 21Yaza yati kum: Hamba; ngokuba ndiya kukutuma kude, ukuya kubaheyideni.
22Kekaloku bebempulapula kwada kwalelilizwi; baza bapakamisa ilizwi labo, besiti: Msuse emhlabeni onjalo! ngokuba kungafanelekile ukuba adle ubomi. 23Nxa ke bebedanduluka, belahla ingubo zabo, beposa utuli ngasesibakabakeni, 24yaxela inkosiwaka ukuba angeniswe elalini yamasodati, yati makaṙoṙonywe ngokubetwa, ukuze iqonde ituba ababememeza kangaka ngakuye ngenxa yalo. 25Kodwa bakumolulela pambili ngentambo, wati u‐Paulusi kwi nkosikulu ebimi kona: Umntu ongum‐Roma, ongagwetywanga kanjalo, nivunyelwa ukumbeta kusinina? 26Yati inkosikulu yakuva oko, yaya yashumayela kwinkosiwaka, isiti: Lumka into uza kuyenza; ngokuba umntu lo engum‐Roma. 27Yasuka yeza inkosiwaka yati kuye: Ndixelele, ungum‐Roma kusinina? Wati yena: Ewe. 28Yaza yati inkosiwaka ukupendula: Mna ubuzwe obu ndabuzuza ngenani elikulu lemali. Wati u‐Paulusi: Kodwa mna ndizelwe ndikwa nabo. 29Kwandula kwa oko kwesuka kuye abo babeza kumṙoṙonya. Kanjako inkosiwaka nayo yoyika, yakuqonda ukuba ungum‐Roma, nangokuba ibimnxibile.
30Yati ngomnye umhla, ifuna ukuyazi inyaniso yendawo, ukuba uyanikwa ityala ngama‐Juda nganina, yamkulula izinxibo, yaxela ukuba mabeze abaperisite abakulu nayo yonke intlanganiso yamapakati yawo; yaza imhlisile u‐Paulusi yammisa pakati kwabo.
