Eyesibini incwadi ka‐Paulusi kuma‐Tesalonika 2

₁KEKALOKU siyanitandaza, bazalwana! pezu kwokufika kwenkosi yetu u‐Yesu Kristu, nokuhlanganisana kwetu kuye, ₂ukuba ningashukunyiswa kamsinya ekuqondeni kwenu, ningabi navuso kanjako, nangawo umoya, nangalo ilizwi, nangayo incwadi, njengokungati ivela kuti, njengeyokuti seukufupi umhla ka‐Kristu. ₃Makungabiko mntu onilukuhlayo nganye indawo: kuba umhla lowo ungayi kuza, xeshekweni kungeziyo upambuko tanci, aze atyilwe umntu wesono, unyana wentshabalalo; ₄lowo umelayo, ozipakamisa pezulu pezu kwako konke oku‐kutiwa ngutixo umhlaumbi yinto yokubedeshwa, ade ati njengotixo ahlale pantsi etempileni katixo, ezibonakalisa ukuba u ngutixo. ₅Anikumbuli na ukuba, nxa bendiseko kuni, ndandinixelela ezizinto? ₆Nakaloku oko kubambayo niyakwazi, ukuze kutyilwe yena kwelake ixesha. ₇Ngokuba yona imfihlakalo yokukohlakala isel’ isebenza: kuko kodwa obambayo ngoku ade asuswe endleleni. ₈Waeya kwandula oko atyilwe okohlakeleyo lowo, oyena iya kuti inkosi imgqibele ngomoya womlomo wayo, imtshabalalise ngokukazimla kwokufika kwayo; ₉okufika kungokwokusebenza kuka‐Satane kuwo onke amandla nemiqondiso nemimangaliso yobuxoki, ₁₀nakuyo yonke inkohliso yokungalungi kubo abo babubayo: ngenxa yokuba bengalwamkelanga utando lwenyaniso ukuze basindiswe. ₁₁Nangenxa yoku utixo wobatumela ukusebenza kwolahlekiso, ukuze bakolwe lulwimi: ₁₂ukuba bagwetywe bonke abati abakolwa yinyaniso, batanda ukungalungi kanti.

₁₃Kodwa tina sifanelwe kukubulela kutixo ngamaxesha onke ngenxa yenu, bazalwana abatandiweyo yinkosi! ukuba utixo kwa sekuqalekeni waniqashela ukusindiswa ngokungcwalisa kwomoya nangenkolo enyanisweni; ₁₄anibizileyo kuko ngayo ivangeli yetu, kube kukuzuzwa kwobungcwalisa benkosi yetu u‐Yesu Kristu.

₁₅Ngako ke, bazalwana! yimani niqine, nizibambe izinikelwa enanifundiswa zona, nokuba bekungalo ilizwi, nokuba bekungayo incwadi yetu. ₁₆Kodwa yona ngokwayo inkosi yetu u‐Yesu Kristu, naye utixo nobawo wetu, owasitandayo, wasinika ulwonwabiso olungunapakade netemba elilungileyo ngofefe, ₁₇wanga angonwabisa intliziyo zenu, aniqinise kuwo onke amazwi nezenzo ezilungileyo.