Eyesibini incwadi ka‐Paulusi kuma‐Korinte 4

₁NGENXA yoku, sinaso isikonzo esi nje, njengokuba silwamkele ufefe, asinakudinwa; ₂koko sizalile izinto ezifihlakeleyo zehlazo, singahambi ebuqokolweni, singapati ilizwi likatixo ngobukohliso kanjalo; koko ngokubonakaliswa kwayo inyaniso sizazisa kwisazeliso sabantu bonke ebusweni bukatixo. ₃Kodwa ukuba igujungelwe nevangeli yetu, igujungelwe kubo ababubayo; ₄ekukubo utixo welilizwe likoyo umfamekisile ingqondo zabangakolwayo, ukuze kungakazimli pezu kwabo ukukanyisa kwevangeli yobungcwalisa buka‐Kristu, ongumfanekiso katixo. ₅Ngokuba singazishumayeli tina, koko sishumayela u‐Kristu Yesu ukuba u yinkosi; nati tina ukuba sizizicaka zenu ngenxa ka‐Yesu. ₆Ngokokuba ngutixo, owaxela ukuba ukukanya kukanye kupuma ebumnyameni, owakanyayo ezintliziyweni zetu kuze kube kukukanyisa kwokwaziwa kwobungcwalisa bukatixo ebusweni buka‐Yesu Kristu.

₇Kodwa sinayo indyebo le ezimpahleni zodongwe, ukuze ubungangamsha bamandla bube bo bukatixo, bungabi bobakuti ke: ₈sibandezelwa ngamacala onke nje, singaxingekile noko; sixakekile nje, singancami noko; ₉sitshutshiswa nje, singashiywa noko; sikahlelwe pantsi nje, singabujiswa noko; ₁₀simana sikutwala ngamaxesha onke emzimbeni ukufa kwenkosi u‐Yesu, ukuze ubomi buka‐Yesu nabo bubonakaliswe emzimbeni wetu. ₁₁Ngokuba tina sihleliyo kufuti sinikelwa ekufeni ngenxa ka‐Yesu, ukuze ubomi buka‐Yesu nabo bubonakaliswe enyameni yetu enokufa.

₁₂Kwa njalo ke ukufa kuyasebenza kuti, kodwa ubomi kuni. ₁₃Kodwa sinawo lowo wona umoya wokolo, njengoko kuba̔liweyo ukuti: Ndakolwa, kungoko ndatetayo; nati siyakolwa, siti ngoko kanjalo sitete; ₁₄sisazi nje ukuba lowo wavusayo inkosi u‐Yesu uya kuti tina nati asivuse ngaye u‐Yesu, asimise kunye nani. ₁₅Ngokuba izinto zonke zingenxa yenu, ukuze ufefe lwandisiwe nje luti ngabo abaninzi lwenze umbulelo ukolise ukwandela ubungcwalisa bukatixo.

₁₆Ngako oku asinakudinwa; koko nakuba umntu wetu wapandle ebuba, owapakati noko uyahlaziywa ngemihla ngemihla. ₁₇Ngokuba ubandezelo lwetu olulula olukoyo kodwa, lusenzela tina ngento egqitisileyo kakulu ngakumbi ubungcwalisa obunzima obungunapakade; ₁₈nxa singagqali izinto ezibonwayo, koko sigqala izinto ezingabonwayo; ngokuba izinto ezibonwayo zezomzuzu kodwa, kanti izinto ezingabonwayo zingunapakade.