Eyesibini incwadi ka‐Paulusi kuma‐Korinte 3

₁Siyaqala kanjako ukuzazisa na? siyaswela kusinina, njengabanye abatile, incwadi zokwazisa zisiza kuni, umhlaumbi incwadi zokwazisa zivela kuni? ₂Incwadi yetu nini, iba̔lelwe ezintliziyweni zetu, isaziwa ileseshwa nokuleseshwa ngabo bonke abantu; ₃nibonakaliswa nje ukuba niyincwadi ka‐Kristu yenziwe ngokukonza kwetu, iba̔liwe kungengeyinke, ku ngomoya katixo ohleliyo, kungesemacwecweni amatye, kusemacwecweni enyama entliziyo.

₄Isitembelo esinjalo ke sinaso ngaye u‐Kristu ngakutixo: ₅kungekukuba silinganele ukutelekelela into ngokwetu, njengokungati kuvela kwa kuti; koko ukulinganela kwetu kuvela kutixo; ₆owati kanjalo wasenza silinganele ukuba ngabakonzi bocebano olutsha; bengengabegama, bengabomoya; ngokuba igama libulala, kodwa umoya uyanika ubomi.

₇Kodwa ukuba isikonzo sokufa, siba̔lelwe emagameni, siqingqelwe ematyeni, besisebungcwaliseni, lude lukohlwe usapo luka‐Sirayeli kukuti nama ukukangela ngasebusweni buka‐Mosesi, ngenxa yobungcwalisa bobuso bake, obebuya kutshatyalaliswa; ₈kungati nina ukuba isikonzo somoya asiyi kuti ngakumbi sibe sebungcwaliseni? ₉Ngokuba isikonzo sokugweba ukuba sibungcwalisa, siti isikonzo sobulungisa kakulu ngakumbi sigqitise ngokuba sebungcwaliseni. ₁₀Ngokuba kwa oko okwenzelwe ubungcwalisa kungenzelwanga ubungcwalisa kuyo lendawo, ngenxa yobungcwalisa obudluliseleyo. ₁₁Ngokuba oko kutshatyalaliswayo ukuba bekunobungcwalisa, kukakulu ngakumbi oko kuhlalayo kusebungcwaliseni.

₁₂Ngako sinalo itemba elinjalo nje, siyateta kwa sekuhleni kakulu: ₁₃kungenjengokuba u‐Mosesi ebebeka isigubungelo pezu kwobuso bake, ukuze ke usapo luka‐Sirayeli lungati nama ukukangela ngasesipelweni sobekuya kutshatyalaliswa. ₁₄Koko ingqondo zalo zaba lukuni: ngokuba kwada kwanamhla nje eso sona isigubungelo sisiti ekuleseshweni kwocebano oludala sihlale singahlutywanga, into etshatyalaliswayo ku‐Kristu. ₁₅Koko kwada kwanamhla, xeshekweni kuleseshwayo u‐Mosesi, kulele isigubungelo pezu kwentliziyo yalo. ₁₆Kodwa xeshekweni isukuba iguqukela kwinkosi, siyasuswa kanye isigubungelo eso. ₁₇Kekaloku yona inkosi inguye umoya; nalapo akona yena umoya wenkosi, ikwa kona inkululeko. ₁₈Kodwa tina sonke, sibukangela nje ngobuso obungagujungelweyo njengasencwadini ubungcwalisa benkosi, siyaguqulelwa kulowo wona umfanekiso kwa kubo obunye ubungcwalisa kude kube kobunye ubungcwalisa, njengokuba buvela kuyo inkosi umoya.