Eyokuqala incwadi ka‐Paulusi ku‐Timote 2

₁NDITI ke okwokuqala ndiyale ukuba kwenziwe izikungo, imitandazo, izitaṙuziso, nemibulelo, ngenxa yabantu bonke; ₂ngenxa yabo okumkani nabo bonke abasebukosini; ukuze sihlale ngokuhlala okuxolileyo nokuzolileyo kubo bonke ububedesho nokuzibeka. ₃Ngokuba oku kulungile, kukolekile ebusweni bomsindisi wetu utixo kanjako; ₄otandayo ukuba bonke abantu basindiswe, nokuba beze ekwaziweni kwenyaniso. ₅Ngokuba kuko utixo emnye; kuko kanjalo umlamli emnye pakati kwotixo nabantu, umntu u‐Kristu Yesu, ₆owazinikayo ukuba yintlaulelo ngenxa yabantu bonke, — okusisinqi̔no sokunqi̔nelwa kwawaso amaxesha; ₇endite mna ndamiselwa sona ukuba ngumshumayeli nompostile, (ndiyateta inyaniso ku‐Kristu, andixoki,) umfundisi wabaheyideni elukolweni nasenyanisweni.

₈Ndinga ke angati wona amadoda atandaze kuzo zonke indawo, epakamisa izandla ezingcwele, engenakuqumba nokupikisana: ₉ngokunjalo ndinga bangati nabo abafazi bazihombe ngokuvata okufanelekileyo, benentloni nobutelekelelo; kungabi ngempote, umhlaumbi ngegolide, umhlaumbi ngeperule, umhlaumbi ngezivato ezixabiso likulu, ₁₀kuti, — okufaneleyo abafazi bexela ukuba bayabedesha utixo, kube ngayo imisebenzi elungileyo.

₁₁Makati umlazi ngokuti tu afunde ngolulamelo lwonke. ₁₂Kodwa andivumeli umfazi ukuba afundise, nokuba abe namandla pezu kwendoda, nditi makabe nokuti tu. ₁₃Ngokuba u‐Adame ebedalwe kuqala, wandul’ ukudalwa u‐Eva kamva. ₁₄Kanjako u‐Adame ebengakohliswanga, kodwa umfazi ekohlisiwe nje wangena esigqitweni. ₁₅Noko uya kusindiswa ngokuzalwa kwomntwana, xeshekweni bahlalayo elukolweni, naselutandweni, nasebungcweleni, ndawonye nobutelekelelo.