Eyokuqala incwadi ka‐Paulusi ku‐Timote 1

₁UPAULUSI, umpostile ka‐Yesu Kristu, ngokwomyolelo katixo umsidisi wetu nenkosi u‐Yesu Kristu itemba letu, ₂kuye u‐Timote, owam umntwana wenyaniso elukolweni: Ufefe, ububele, noxolo, luvela kuye utixo ubawo wetu, no‐Kristu Yesu inkosi yetu.

₃Njengokuba ndabendikukunga ukuba uman’ ukuhlala e‐Efese, nxa bendihambela e‐Masedoniya, ukuze uyalele abatile ukuba mabangafundisi ufundiso olulumbi, ₄nokuba mabanganyamekeli intsomi neziba̔lelwa zokuzalwa ezingenangqibo, eziti ezonto zizuzise imibuzo ngapezu kwokuba zizuzise ukumisa kukatixo okuselukolweni, ndiyenje njalo nakaloku.

₅Kodwa isipelo sesiyalelo silutando luvela kwintliziyo ecocekileyo, nakwisazeliso esilungileyo, nakwinkolo engazenzisiyo; ₆abate inxenye beposene nazo batyekela ekutetateteni okungendawo, ₇befuna ukuba ngabafundisi bomteto, bengaqondi noko kwa nezonto bazitshoyo, nezonto baqinisa ukutshoza ngazo. ₈Siyazi kodwa ukuba umteto ulungile, xeshekweni umntu awupatayo ngokwomteto; ₉sikwazi nje oku, okokuba umteto awudalelwa umntu olungileyo, koko udalelwa abalahlimteto nabangenakululamela, abangabedeshiyo naboni, abangenabungcwele nabaginwa, ababeti boyise nababeti bonina, ababulali babantu, ₁₀abapimisi, abalala namadoda, abeba̔yo abantu, amaxoki, abaxokisa ukufunga, nokuba kuko into yimbi epambana nofundiso oluyinene; ₁₁njengokwevangeli yobungcwalisa botixo osikelelweyo, endapatiswayo yona mna.

₁₂Kanjalo ndiyabulela kulowo wandomelezayo, u‐Kristu Yesu inkosi yetu, ukuba wandibala ukuba ndinyanisekile, endimisele ubukonzi obu nje; ₁₃endibe ndifudula ndingumgxeki, nomtshutshisi, nombandezeli: kuloko ndamkelayo ububele, kuba ndakwenza ngokungazi ndisekungakolweni; ₁₄ewe ufefe lwenkosi yetu lwaba luninzi ngento egqitisileyo ndawonye nokolo notando olukuye u‐Kristu Yesu. ₁₅Linyanisekile elilizwi, lifanele konke ukwamkelwa kanjako, lokuba u‐Kristu Yesu weza elizweni ukuza kusindisa aboni; endingomkulu kubo bonke mna. ₁₆Kuloko ngenxa yoku ndabamkela ububele, ukuze kwa kum ndingomkulu nje u‐Yesu Kristu abonakalise konke ukuzeka kade kwake, ukubenzela umlinganiso abo baya kukolwa kuye kube bubomi obungunapakade. ₁₇Kekaloku kukumkani wobunapakade, kongonakaliyo, kongabonekiyo, kokupela kwolumkileyo utixo, makubeko udumo nobungcwalisa kude kube ngunapakade kanapakade. Amene.

₁₈Esi isiyalelo ndiyasibekela kuwe, nyana Timote! njengokweziprofitesho ezandulisayo ngawe, ukuba uyenze ngazo leyo mfazwe ilungileyo; ₁₉unenkolo nje, nesazeliso esilungileyo; abate inxenye besilahlile nje badaka ngalo ukolo: ₂₀abangabakubo u‐Himeneyo no‐Aletsandere, endabanikelayo ku‐Satane, ukuze bafundiswe ngokwohlwaywa ukuba bangagxeki.