Eyokuqala ka‐Samyali 13

₁U‐SAULE waselengumnyaka mnye ekupateni kwake ubukumkani: nxa abepete ubukumkani pezu kwo‐Sirayeli iminyaka yamibini, ₂wandula u‐Saule wazinyulela amawaka matatu amadoda akwa‐Sirayeli; amawaka mabini ebeko no‐Saule e‐Mikimashe nasentabeni yase‐Betele, newaka linye ebeno‐Jonatane e‐Gibeha yakwa‐Benjamine; nabantu abaseleyo wabandulula baye abanye ngabanye ezintenteni zabo.

₃Waza u‐Jonatane wabeta ilali yama‐Filistiya ebise‐Geba; kwaviwa ke ngama‐Filistiya. Ngako u‐Saule wavutela ngexilongo elizweni lonke, esiti: Makeve ama‐Hebere. ₄Baza bonke o‐Sirayeli beva kusitwa: u‐Saule ubetile ilali yama‐Filistiya: nakanjalo, o‐Sirayeli banukele ama‐Filistiya. Bandula abantu babizelwa ndawonye emva kwo‐Saule e‐Gilegale. ₅Kanjako ama‐Filistiya ahlanganiswa ukuza kulwa no‐Sirayeli, inqwelo ezimawaka amashumi matatu, nabakweli bamahashe abamawaka matandatu, nabantu abanjengentlabati ebiselunxwemeni lwolwandle ngobuninzi: enyuka ke, ati waca e‐Mikimashe, ngasempumalanga ye‐Betavene.

₆Ati amadoda akwa‐Sirayeli akubona ukuba asesixakeni, (ngokuba abantu bebekatazekile,) bandula abantu bazimela emiqolombeni, nasezindadeni, nasemaweni, nasezinqatyeni, naseminxunyeni. ₇Kanjalo ama‐Hebere awela i‐Yoredane ukuya elizweni lakwa‐Gadi nele‐Gileyadi.

Kodwa u‐Saule ebeseko yena e‐Gilegale, bati bonke abantu bamlandela ngokungcangcazela. ₈Waza walinda imihla yasixe̔nxe, ixesha elimisiweyo ngu‐Samyali; kodwa u‐Samyali ebengekafiki e‐Gilegale; kanjalo abantu baciteka kuye. ₉Wandula u‐Saule wati: Sondezani kum idini lokutshiswa, neminikelo yoxolo. Waza wanikela idini lokutshiswa.

₁₀Kwaye kute, akuba egqibile ukunikela idini lokutshiswa, nanku u‐Samyali esiza. Wapuma ke u‐Saule ukuya kumkaulela, aze ambulise. ₁₁Waza wati u‐Samyali: Wenze nto nina? Wayesiti u‐Saule: Ngokuba bendibona ukuba abantu bacitekile kum, nokuba wena akufikanga ngemihla emisiweyo, nokuba ama‐Filistiya ahlanganiselwe e‐Mikimashe; ₁₂ngako ndati: Kaloku ama‐Filistiya aya kuhlela kum e‐Gilegale, nxa ubuso bukayehova ndingabukungelanga; ndaza ndazinyanzela, ndanikela idini lokutshiswa. ₁₃Wandula u‐Samyali wati ku‐Saule: Wenze ngobudenge; akugcinanga umyalelo kayehova, utixo wako, lowo akuyaleleyo: ngokuba kaloku uyehova ngeeqinisile ubukumkani bako pezu kwo‐Sirayeli kude kube ngunapakade: ₁₄kodwa ngoku ubukumkani bako abuyi kuma: uyehova uzifunele indoda enjengentliziyo yake; kanjalo uyehova uyimisele ibe yinkosi pezu kwabantu bake; ngokuba ungagcinanga oko akuyaleleyo uyehova.

₁₅Waselesuka u‐Samyali, wenyuka e‐Gilegale waya e‐Gibeha yakwa‐Benjamine. Waye u‐Saule wabala abantu abakoyo naye, banga bangamakulu matandatu amadoda. ₁₆Kanjalo u‐Saule, no‐Jonatane unyana wake, nabantu abakoyo nabo, bahlala e‐Geba yakwa‐Benjamine.

Kodwa ama‐Filistiya ati waca e‐Mikimashe. ₁₇Baza bapuma abafaci emnqubeni wama‐Filistiya ngamaqela amatatu: elinye iqela lajika ngasendleleni esinga e‐Hofera, ngaselizweni le‐Shuhali; ₁₈nelinye iqela lajika ngasendleleni esinga e‐Bete‐horone; nelinye iqela lajika ngasendleleni yomda obekayo esihlanjeni se‐Tsebohime ngasentlango.

₁₉Kekaloku bekungafunyanwa umkandi kulo lonke ilizwe lakwa‐Sirayeli; ngokuba ama‐Filistiya ebete: Hleze ama‐Hebere enze iṙele umhlaumbi intshuntshe; ₂₀ngako o‐Sirayeli bonke behlela kuwo ama‐Filistiya, ukuba balole abanye ngabanye iskare zabo, namakuba abo, namazembe abo, nezitshetshe zepuluwa zabo. ₂₁Kodwa bekuko intsimbi enamazinyo ukwenza intlangoti kuzo izitshetshe zepuluwa, nakuwo amakuba, nakuzo iforoke, nakuwo amazembe, nokubaza izinto zokuhlaba. ₂₂Kwaza kwati ngomhla wokulwa, akwafunyanwa iṙele nentshuntshe ezandleni zabo bonke abantu ababeno‐Saule no‐Jonatane; kodwa bekufunyanwa ku‐Saule naku‐Jonatane unyana wake.

₂₃Bada bapuma abelali yama‐Filistiya baya engxingweni yase‐Mikimashe.