Eyokuqala yokumkani 22

₁KWAYE kuhleliwe iminyaka mitatu, kungeko imfazwe pakati kwama‐Siriya no‐Sirayeli. ₂Kwaza kwati ngomnyaka wesitatu, wehla u‐Yehoshafate ukumkani wo‐Juda ukuya kukumkani wo‐Sirayeli. ₃Wada wati ukumkani wo‐Sirayeli ezicakeni zake: Anazi na ukuba i‐Ramote yase‐Gileyadi yeyetu? kanti tina siti tu, singayibambi esandleni sokumkani we‐Siriya. ₄Wati nakuye u‐Yehoshafate: Uya kuhamba na nam ukulwa e‐Ramote yase‐Gileyadi? Waye u‐Yehoshafate esiti kukumkani wo‐Sirayeli: Njengokuba unjalo wena, ndinjalo mna; njengokuba benjalo abantu bako, banjalo abantu bam; njengokuba enjalo amahashe ako, anjalo amahashe am.

₅Walekela u‐Yehoshafate wati kukumkani wo‐Sirayeli: Kaubuze ke namhla elizwini likayehova. ₆Wandula ukumkani wo‐Sirayeli wahlanganisa abaprofite, ngati ngamadoda amakulu mane, wati kubo: Ndiya kuya ngase‐Ramote yase‐Gileyadi ukulwa, ndiya kuyeka, kusinina? Bati: Nyuka; ngokuba inkosi iya kuyinikela esandleni sokumkani.

₇Wati kodwa u‐Yehoshafate: Akuseko na apa umprofite kayehova, ukuba sibuze ngaye? ₈Waza ukumkani wo‐Sirayeli wati ku‐Yehoshafate: Kuseko indoda inye, ekungabuzwayo kuyehova ngayo, kodwa ndiyayitiya, ngokuba ingaprofiteshi ngam okulungileyo, koko iprofitesha okubi; ngu‐Mikaya unyana ka‐Yimla. Wayesiti u‐Yehoshafate: Makangatsho njalo ukumkani!

₉Wandula ukumkani wo‐Sirayeli wambiza umbusi, wati: Nxama umzise u‐Mikaya unyana ka‐Yimla. ₁₀Kekaloku ukumkani wo‐Sirayeli, no‐Yehoshafate ukumkani wo‐Juda, bahlala omnye nomnye pezu kweterone yake, bevatisiwe ngezivato zobukumkani, enkundleni ngasemnyango wesango le‐Samariya; bati abaprofite bonke baprofitesha ebusweni babo. ₁₁Kanjalo u‐Zedekiya unyana ka‐Kenana ebezenzele impondo zesincete; waza wati: Utsho uyehova ukuti: Ngazo ezi uya kunquba ama‐Siriya ude uwagqibele. ₁₂Benje njalo nabaprofite bonke ukuprofitesha, besiti: Nyuka uye e‐Ramote yase‐Gileyadi, utamsanqeleke; ngokuba uyehova eya kuyinikela esandleni sokumkani.

₁₃Kekaloku isigidimi esibe siye ukumbiza u‐Mikaya sateta kuye, sisiti: Bona ke, amazwi abaprofite ngomlomo mnye ateta okulungileyo kukumkani; makeliti ke ilizwi lako libe njengelizwi lomnye kubo, uz’ utete okulungileyo. ₁₄Wati kodwa u‐Mikaya: Ehleli nje uyehova, oko akutshoyo uyehova kum, ndiya kuteta kwa kona. ₁₅Wasuka weza kukumkani.

Waza wati ukumkani kuye: Mikaya! siya kuya e‐Ramote yase‐Gileyadi ukulwa, siya kuyeka, kusinina? Wayesiti kuye: Nyuka, utamsanqeleke; ngokuba uyehova eya kuyinikela esandleni sokumkani. ₁₆Waza wati ukumkani kuye: Kwoda kube ngamaxesha mangapina ndiya kukufungisa, ukuba ungateti nto kum, kupela ibe yinyaniso, egameni likayehova? ₁₇Wayesiti: Ndabona o‐Sirayeli bonke bete sa pezu kwentaba, njengegusha ezingenaye umalusi; wati ke uyehova: Akuko inkosi kubo aba; mababuye abanye ngabanye baye ezindlwini zabo ngoxolo.

₁₈Waza ukumkani wo‐Sirayeli wati ku‐Yehoshafate: Andite kuwe na, akayi kuprofitesha ngam okulungileyo, koko eya kuprofitesha okubi?

₁₉Wayesiti: Ngako oko yiva ilizwi likayehova: Ndabona uyehova ehleli pezu kweterone yake, nawo wonke umkosi wasezulwini umi ngakuye, ngasekunene kwake nangasekohlo kwake. ₂₀Waza wati uyehova: Ngubanina oya kuhenda u‐Ahabi, ukuba enyuke, enzakale e‐Ramote yase‐Gileyadi? Wati omnye ngokuti, wati nomnye ngokuti. ₂₁Wada wapuma umoya, wema pambi kwoyehova, wati: Ndiya kumhenda mna. ₂₂Wati uyehova kuye: Nganina? Wayesiti: Ndiya kupuma, ndize ndibe ngumoya wobuxoki emlonyeni wabo bonke abaprofite bake. Wati: Uya kuhenda, wauya kweyisa kanjalo: puma, wenje njalo ke. ₂₃Ngako kaloku, bona ke, uyehova ubekile umoya wobuxoki emlonyeni wabo bonke ababaprofite bako; kanjalo uyehova utetile ngawe okubi.

₂₄Wandula wasondela u‐Zedekiya unyana ka‐Kenana, wambeta u‐Mikaya esidleleni, wati: Wadlula ngayipina indlela umoya kayehova evela kum ukuya kuteta nawe? ₂₅Wayesiti u‐Mikaya: Bona ke, uya kubona ngalomini uya kungena ngayo enkambilini yapakati, ukuba uzimele.

₂₆Waza wati ukumkani wo‐Sirayeli: Tabata u‐Mikaya, umbuyisele ku‐Amoni inkosi yesixeko, naku‐Yohashe unyana wokumkani, ₂₇uti: Utsho ukumkani ukuti: Fakani lo entolongweni, nimdlise isonka sembandezelo namanzi embandezelo, ndide ndize ngoxolo. ₂₈Waza wati u‐Mikaya: Ukuba uka ubuye ngoxolo, uyehova akatetanga ngam. Walekela wati: Pulapulani, bantu, nina nonke!

₂₉Wandula wenyuka ukumkani wo‐Sirayeli, no‐Yehoshafate ukumkani wo‐Juda, ukuya e‐Ramote yase‐Gileyadi. ₃₀Waza ukumkani wo‐Sirayeli wati ku‐Yehoshafate: Ndiya kuzenza ngakumbi, ndingene pakati kwokulwa; kodwa wena, yambata izivato zako zobukumkani. Kwa njalo ukumkani wo‐Sirayeli wazenza ngakumbi, wangena pakati kwokulwa. ₃₁Kekaloku ukumkani we‐Siriya ebeyalele inkosi zenqwelwana abenazo, zingamashumi matatu anambini, ngokuti: Aniyi kulwa kwa nabancinane nabakulu, kupela niya kulwa nokumkani wo‐Sirayeli yedwa. ₃₂Kwaye kute, xeshekweni inkosi zenqwelwana zambonayo u‐Yehoshafate, zasezisiti: Okunene ngukumkani wo‐Sirayeli lowo. Zaza zapambuka ukuya kulwa ngakuye; kodwa u‐Yehoshafate wakala. ₃₃Kwaza kwati, zakubona inkosi zenqwelwana ukuba asi nguye ukumkani wo‐Sirayeli, zabuya ekumlandeleni. ₃₄Yandula indoda etile yatyeda isipeta ekungazini kwayo, yambeta ukumkani wo‐Sirayeli pakati kwamakonxo nehempe yentsimbi. Ngako wati kumbexeshi wake: Songa isandla sako, upume nam emkosini; ngokuba ndenziwe inxeba. ₃₅Kwaye kusanda ukulwa ngalomini; waza ukumkani waxaswa enqwelwaneni malungana nama‐Siriya: kodwa wafa ngokuhlwa, lati igazi lenxeba lapalalela esifubeni senqwelwana. ₃₆Kwandula kwahamba indanduluko pakati kwomkosi lakutshona ilanga, isiti: Mabaye abanye ngabanye esixekweni sabo, nabanye ngabanye elizweni labo! ₃₇Kwa njalo wafa ukumkani, waziswa e‐Samariya; baye bemncw̔aba ukumkani e‐Samariya. ₃₈Kwati kwakuyalazwa inqwelwana ngasecibini lase‐Samariya, izinja zakota igazi lake, nxa ingnawokazi zahlambayo, njengelizwi likayehova abelitetile.

₃₉Nesisalela semicimbi ka‐Ahabi, nako konke wakwenzayo, nendlu yopondo lwendlovu owayakayo, nazo zonke izixeko abezakile, ayiba̔lwanga na yona encwadini yemicimbi yemihla ngemihla yokumkani wo‐Sirayeli? ₄₀Wada walala u‐Ahabi noyise bake; waza u‐Ahaziya unyana wake waba ngukumkani esikundleni sake.

₄₁KEKALOKU u‐Yehoshafate unyana ka‐Asa waba ngukumkani pezu kwo‐Juda, ngomnyaka wesine ka‐Ahabi ukumkani wo‐Sirayeli, ₄₂u‐Yehoshafate ebeyiminyaka imashumi matatu anesihlanu ubudala bake, akuba ngukumkani; wapata ubukumkani iminyaka yamashumi mabini anamihlanu e‐Yerusaleme. Igama lonina belingu‐Hazuba, intombi ka‐Shilihi. ₄₃Waye ehamba ngayo yonke indlela ka‐Asa uyise, akapambuka kuyo, esenza okufaneleyo emehlweni kayehova: kodwa indawo ezipakamileyo bezingasuswa; abantu basabinga baqumisa ezindaweni ezipakamileyo. ₄₄Kanjalo u‐Yehoshafate walwenza uxolo nokumkani wo‐Sirayeli.

₄₅Nesisalela semicimbi ka‐Yehoshafate, namandla ake abesenza ngawo, nokuba wati nina ukulwa, ayiba̔lwanga na yona encwadini yemicimbi yemihla ngemihla yokumkani bo‐Juda? ₄₆Nengnawo eziseleyo, ezibe zisele emihleni ka‐Asa uyise, wazisusa elizweni.

₄₇Oko bekungeko ukumkani e‐Edome; umongama ebengukumkani.

₄₈U‐Yehoshafate wazenza inqanawa zase‐Tareshishe ukuba ziye e‐Ofire ngenxa yegolide: kodwa zibe zingayi, ngokuba inqanawa zapukayo e‐Hetsiyone‐gebere. ₄₉Wandula wati u‐Ahaziya unyana ka‐Ahabi ku‐Yehoshafate: Maziye izicaka zam kunye nezicaka zako ezinqanaweni; koko u‐Yehoshafate ebengavumi.

₅₀Wada u‐Yehoshafate walala noyise bake, wancw̔atywa noyise bake esixekweni sika‐Davide uyise; waza u‐Yehorame unyana wake waba ngukumkani esikundleni sake.

₅₁U‐AHAZIYA unyana ka‐Ahabi waba ngukumkani pezu kwo‐Sirayeli e‐Samariya, ngomnyaka weshumi linesixe̔nxe ka‐Yehoshafate ukumkani wo‐Juda, wapata ubukumkani iminyaka yamibini pezu kwo‐Sirayeli. ₅₂Wayesenza okukohlakeleyo emehlweni kayehova, wahamba endleleni yoyise, nasendleleni yonina, nasendleleni ka‐Jerobome unyana ka‐Nebati, owabenza o‐Sirayeli bone: ₅₃ngokuba wabekonza u‐Bali, watoba pambi kwake, wamqumbisa uyehova, utixo wo‐Sirayeli, njengako konke abekwenzile uyise wake.