Eyokuqala yokumkani 15

₁Ngoweshumi linesibozo umnyaka wokumkani u‐Jerobome unyana ka‐Nebati, waba ngukumkani u‐Abiyame pezu kwo‐Juda. ₂Ibiyiminyaka mitatu wabepata ubukumkani e‐Yerusaleme. Igama lonina belingu‐Mahaka, intombi ka‐Abishalome. ₃Waza wahamba kuzo zonke izono zoyise, abezenzile yena pambili kuye; kanjalo intliziyo yake ibingakolisekile ngakuyehova, utixo wake, njengentliziyo ka‐Davide uyise. ₄Noko ngenxa ka‐Davide, uyehova, utixo wake, wamnika isibane e‐Yerusaleme, ngokuvusa unyana wake emva kwake, nangokumisa i‐Yerusaleme: ₅ngokokuba u‐Davide ebekwenzile okufaneleyo emehlweni kayehova, engapambukanga nje kuko konke abemyalele ngako, yonke imihla yokudla kwake ubomi, kupela ngomcimbi ka‐Huriya um‐Hete. ₆Kwabekuko imfazwe pakati kwo‐Rehobome no‐Jerobome, yonke imihla yokudla kwake ubomi.

₇Nesisalela semicimbi ka‐Abiyame, nako konke abekwenza, ayiba̔lwanga na yona encwadini yemicimbi yemihla ngemihla yokumkani bo‐Juda? Kwako imfazwe kanjalo pakati kwo‐Abiyame no‐Jerobome. ₈Wada walala u‐Abiyame noyise bake, wancw̔atywa esixekweni sika‐Davide; waza u‐Asa unyana wake wapata ubukumkani esikundleni sake.

₉Ngowamashumi mabini umnyaka ka‐Jerobome ukumkani wo‐Sirayeli, waba ngukumkani u‐Asa pezu kwo‐Juda. ₁₀Yabiyiminyaka engamashumi mane anamnye wabepata ubukumkani e‐Yerusaleme. Igama lonina belingu‐Mahaka, intombi ka‐Abishalome. ₁₁Waye u‐Asa esenza okufaneleyo emehlweni kayehova, njengo‐Davide uyise. ₁₂Wazikwelelisa ingnawo elizweni, wasusa zonke izitixwana ababezenzile oyise bake. ₁₃Kanjalo no‐Mahaka unina, kwa yena wamshenxisa ukuba angabi ngukumkanikazi, ngokokuba ebelenzile idalo ku‐Ashera; waza u‐Asa wagaula idalo lake, walitshisa ngasemlanjaneni we‐Kidrone. ₁₄Kodwa indawo ezipakamileyo bezingasuswa: noko intliziyo ka‐Asa ibikolisekile ngakuyehova yonke imihla yake. ₁₅Wayezingenisa izinto ezingcwele zoyise, nezake izinto ezingcwele, endlwini kayehova, isilivere, negolide, nempahla.

₁₆Kwabekuko imfazwe pakati kwo‐Asa no‐Bahasha ukumkani wo‐Sirayeli yonke imihla yabo. ₁₇Waza wenyuka u‐Bahasha ukumkani wo‐Sirayeli ngakwa‐Juda, wayaka i‐Rama, ukuze angavumeli namnye ukupuma nokungena ku‐Asa ukumkani wo‐Juda.

₁₈Wandula u‐Asa watabata yonke isilivere, negolide, ezibe zisele pakati kwendyebo zendlu kayehova nendyebo zendlu yokumkani, wazinikela esandleni sezicaka zake; waza ukumkani u‐Asa wazituma ku‐Bene‐hadadi, unyana ka‐Tabrimone, unyana ka‐Heziyone, ukumkani we‐Siriya, obehlala e‐Damakusi, esiti: ₁₉Kuko ucebano pakati kwam nawe, napakati kwobawo wam noyihlo wako: bona ke, nditumile kuwe ibaso, isilivere negolide; hamba, wapule ucebano lwako no‐Bahasha ukumkani wo‐Sirayeli, ukuba enyuke kum. ₂₀Wapulapula ke u‐Bene‐hadadi kukumkani u‐Asa, watuma inkosi zezimpi abenazo ngakuzo izixeko zakwa‐Sirayeli, wabeta i‐Hiyone, ne‐Dane, ne‐Abele‐betemahaka, nayo yonke i‐Kinerete, kunye nelizwe lonke lakwa‐Nefatali. ₂₁Kwaza kwati, nxa abevile oku u‐Bahasha, wayeka ukwaka i‐Rama, waya wahlala e‐Tiretsa. ₂₂Wandula ukumkani u‐Asa wabiza o‐Juda bonke, (bekungeko okululekileyo,) ukuba basuse amatye e‐Rama, nemiti yayo, abe akile ngazo u‐Bahasha; waza ukumkani u‐Asa waka ngazo i‐Geba yakwa‐Benjamine, ne‐Mitsipa.

₂₃Nesisalela sayo yonke imicimbi ka‐Asa, nawo onke amandla ake, nako konke abekwenza, nezixeko abezaka, ayiba̔lwanga na yona encwadini yemicimbi yemihla ngemihla yokumkani bo‐Juda? Kodwa ngexesha lobudala bake wabenesifo ezinyaweni zake. ₂₄Wada u‐Asa walala noyise bake, wancw̔atywa noyise bake esixekweni sika‐Davide uyise: waza u‐Yehoshafate unyana wake wapata ubukumkani esikundleni sake.

₂₅KEKALOKU u‐Nadabi unyana ka‐Jerobome waba ngukumkani pezu kwo‐Sirayeli, ngowesibini umnyaka ka‐Asa ukumkani wo‐Juda, wapata ubukumkani pezu kwo‐Sirayeli iminyaka yamibini. ₂₆Wayesenza okukohlakeleyo emehlweni kayehova, wahamba ngendlela yoyise, nangesono sake abebenzile o‐Sirayeli bone ngaso.

₂₇Waza u‐Bahasha unyana ka‐Ahiya, owendlu ka‐Yisakare, waceba ngakuye; wasuka u‐Bahasha wambeta e‐Gibetone, eyeyama‐Filistiya, nxa u‐Nadabi no‐Sirayeli bonke bebevingcela i‐Gibetone. ₂₈Kwa njalo u‐Bahasha wambulala, ngomnyaka wesitatu ka‐Asa ukumkani wo‐Juda, wapata ubukumkani esikundleni sake. ₂₉Kwaza kwati, akuba ngukumkani, wabeta yonke indlu ka‐Jerobome; akasalisa nento epefumlayo ku‐Jerobome, wada wamtshabalalisa, njengelizwi likayehova, elo wabelitetile ngesicaka sake u‐Ahiya um‐Shilo: ₃₀ngenxa yezono zika‐Jerobome, owonayo yena, nowenzayo o‐Sirayeli bone nabo, ngengcapukiso yake owamcapukisa ngayo uyehova, utixo wo‐Sirayeli.

₃₁Nesisalela semicimbi ka‐Nadabi, nako konke abekwenza, ayiba̔lwanga na yona encwadini yemicimbi yemihla ngemihla yokumkani bo‐Sirayeli? ₃₂Kwabekuko imfazwe pakati kwo‐Asa no‐Bahasha ukumkani wo‐Sirayeli yonke imihla yabo.

₃₃Ngomnyaka wesitatu ka‐Asa ukumkani wo‐Juda, waba ngukumkani u‐Bahasha unyana ka‐Ahiya pezu kwo‐Sirayeli bonke e‐Tiretsa, wapata ubukumkani iminyaka yamashumi mabini anamine. ₃₄Wayesenza okukohlakeleyo emehlweni kayehova, wahamba ngendlela ka‐Jerobome, nangesono sake abebenzile o‐Sirayeli bone ngaso.