Eyokuqala yokumkani 12

₁WASUKA u‐Rehobome waya e‐Shekeme: ngokuba bebeze e‐Shekeme o‐Sirayeli bonke, ukuze bamenze ukumkani.

₂Kwaye kute, kwakuviwa ngu‐Jerobome unyana ka‐Nebati, (kekaloku yena ebeseko e‐Jipete, ngokuba ebesabile ebusweni buka‐Solomone ukumkani; waza u‐Jerobome wahlala e‐Jipete: ₃bada batuma bambiza;) kwandul’ ukuza u‐Jerobome nayo yonke intlanganiso yo‐Sirayeli, bateta ku‐Rehobome, besiti: ₄Uyihlo wako wayenza lukuni iyokwe yetu; uz’ uti wena kaloku wenze lula ubukonzo boyihlo obulukuni, neyokwe enzima abeyibeka pezu kwetu, sasiya kukukonza. ₅Wayesiti kubo: Mkani kanjako intsuku zibe ntatu, nandule nibuye nize kum. Bemka ke abantu.

₆Waza ukumkani u‐Rehobome wacebisana namaxego, abemi ebusweni buka‐Solomone uyise, nxa abesahleli, wati: Niti nina ukundicebisa nina, kuze kupendulwe ababantu? ₇Ateta kuye, esiti: Ukuba uya kuba sisicaka kwababantu namhla, ubakonze, ubapendule, utete kubo amazwi alungileyo, baya kwandula babe zizicaka zako imihla yonke.

₈Kodwa washiya icebo lamaxego, elo abemcebisile ngalo, waya wacebisana namadodana abekulile kunye naye, abemi ebusweni bake. ₉Wayesiti kuwo: Lelinina icebo nilinikayo nina, ukuba sipendule ababantu, abatetileyo kum, besiti: Yenza lula iyokwe ayibekileyo pezu kwetu uyihlo wako? ₁₀Aza ateta kuye amadodana abekulile kunye naye, esiti: Uya kutsho kwababantu abatetileyo kuwe, besiti: Uyihlo wako wayenza nzima iyokwe yetu, kodwa wena yenze lula pezu kwetu: uya kutsho kubo ukuti: Ucikicane wam woba mkulu kuso isinqe sobawo isibili sake. ₁₁Ukuba kaloku ubawo unitwesile ngeyokwe enzima, mna ke ndiya kwongeza kuyo iyokwe yenu: ubawo unohlwayile ngezwiniya, kodwa mna ndonohlwaya ngonomadudwane.

₁₂Kwa njalo kweza u‐Jerobome nabo bonke abantu ku‐Rehobome ngosuku lwesitatu, njengokuba ebetetile ukumkani, esiti: Buyani nize kum ngosuku lwesitatu. ₁₃Waza ukumkani wapendula abantu ngokulukuni, walishiya icebo lamaxego, elo amcebisa ngalo, ₁₄wateta kubo njengecebo lamadodana, esiti: Ubawo wenza nzima iyokwe yenu, kodwa mna ndiya kwongeza kuyo iyokwe yenu; ubawo wanohlwaya ngezwiniya, kodwa mna ndiya kunohlwaya ngonomadudwane.

₁₅Akapulapula ke ukumkani ebantwini; ngokuba belulujiko luvela kuyehova, ukuze aliqinise ilizwi lake, elo walitetayo uyehova ngaye u‐Ahiya um‐Shilo ku‐Jerobome unyana ka‐Nebati.

₁₆Bati bakubona bonke o‐Sirayeli ukuba ukumkani akapulapuli kubo, bapendula abantu kukumkani, besiti: Sisipina isabiwo esinaso ku‐Davide? akuko kuti nelifa kunyana ka‐Jese: ezintenteni zenu, bo‐Sirayeli! kaloku kangela kweyako indlu, Davide! Basuka baya o‐Sirayeli ezintenteni zabo. ₁₇Kodwa usapo luka‐Sirayeli olube luhleli ezixekweni zakwa‐Juda, wapata ubukumkani pezu kwalo u‐Rehobome.

₁₈Wandula ukumkani u‐Rehobome watuma u‐Adorame, obepezu kwabesitabataba; baza bonke o‐Sirayeli bamgibisela ngamatye, wada wafa. Ngako ukumkani u‐Rehobome wanxama ukukwela enqwelweni, ukuba asabele e‐Yerusaleme. ₁₉Kwa njalo o‐Sirayeli baqipukelana nendlu ka‐Davide, kwada kwanamhla nje.

₂₀Kwaye kute, kwakuviwa ngo‐Sirayeli bonke ukuba ubuyile u‐Jerobome, bandula batuma bambizela entlanganisweni, bamenza ukumkani pezu kwo‐Sirayeli bonke: akwabiko namnye owalandela indlu ka‐Davide, ngapandle kwesizwe sika‐Juda sodwa.

₂₁Wati u‐Rehobome akufika e‐Yerusaleme, wahlanganisa yonke indlu ka‐Juda, nesizwe sika‐Benjamine, amawaka alikulu linamashumi asibozo amadodana eqelene nokulwa, ukuba kuliwe nendlu ka‐Sirayeli, buze ubukumkani bubuyiselwe ku‐Rehobome unyana ka‐Solomone. ₂₂Kodwa ilizwi likatixo leza ku‐Shemaya indoda katixo, lisiti: ₂₃Yitsho ku‐Rehobome unyana ka‐Solomone ukumkani wo‐Juda, nakuyo yonke indlu ka‐Juda no‐Benjamine, nakwisisalela sabantu, usiti: ₂₄Utsho uyehova ukuti: Aniyi kunyuka, aniyi kulwa nabazalwana benu usapo luka‐Sirayeli kanjalo; buyani abanye ngabanye ukuya endlwini yabo; ngokuba lento yenzekile ngam. Baza bapulapula ilizwi likayehova, babuya ukumka, njengelizwi likayehova.

₂₅WANDULA u‐Jerobome waka i‐Shekeme entabeni yakwa‐Frayime, wahlala kuyo; wayepuma kona, waya waka i‐Penuweli. ₂₆Waza u‐Jerobome wati entliziyweni yake: Kaloku ubukumkani bobuyela kwindlu ka‐Davide: ₂₇xeshekweni baya kunyuka ababantu ukuya kuwenza amadini endlwini kayehova e‐Yerusaleme, iya kwandula intliziyo yababantu ibuyele enkosini yabo, ku‐Rehobome ukumkani wo‐Juda; babeya kubulala mna, babuyele ku‐Rehobome ukumkani wo‐Juda. ₂₈Ngako ukumkani wafuna icebo, wenza amatole amabini egolide, wati kubo: Kunzima pezu kwenu ukuba ninyukele e‐Yerusaleme; naba otixo bako, Sirayeli! abakunyusayo elizweni le‐Jipete. ₂₉Waza wabeka elinye e‐Betele, nelinye walimisa e‐Dane. ₃₀Lento kodwa yaba sisono: ngokuba abantu bebesiya pambi kwelinye, kwada kwase‐Dane. ₃₁Kanjako wayenza indlu yendawo ezipakamileyo; wenza nabaperisite ebantwini bonke, abebengengabo abonyana baka‐Levi. ₃₂Waye u‐Jerobome kanjalo wawenza umtendeleko ngenyanga yesibozo, ngoweshumi linesihlanu umhla wenyanga, njengomtendeleko obukwa‐Juda, wanikela pezu kwesibingelo. Wenje njalo e‐Betele, ebingela amatole abewenzile: wayemisa e‐Betele abaperisite bendawo ezipakamileyo abezenzile. ₃₃Kwa njalo wanikela pezu kwesibingelo abesenzile e‐Betele, ngoweshumi linesihlanu umhla wenyanga yesibozo, ngenyanga abeyiqingile ngeyake intliziyo; waza wenzela usapo luka‐Sirayeli umtendeleko, wanikela pezu kwesibingelo eso, waqumisa.