Eyokuqala incwadi ka‐Paulusi kuma‐Korinte 8

₁KEKALOKU ngazo izinto ezibingelweyo izitixo, siyazi ukuba sinokwazi sonke. Ukwazi kuyavutelanisa, kodwa utando luyamisa. ₂Ukuba ke umntu uba uyayazi into, akakazi luto njengokuba efanele ukulwazi. ₃Kodwa ukuba umntu uyamtanda utixo, yena lo uyaziwa nguye. ₄Kekaloku ngako ukutyiwa kwezinto ezibingelweyo izitixo ke, siyazi ukuba isitixo asinto yanto elizweni, nokuba akuko utixo wumbi, kupela mnye. ₅Ngokuba nangona kukoyo aba‐kutiwa ngotixo, nokuba basezulwini, nokuba basemhlabeni, (njengokuba kuko otixo abaninzi, nenkosi ezininzi,) ₆noko kuti kuko utixo mnye, uyise, okuvela kuye izinto zonke, nati tina singenxa yake; nenkosi nye, u‐Yesu Kristu, okubako ngaye izinto zonke, nati tina singaye. ₇Kuloko kungekubo bonke okukwazi: ngokuba inxenye ngokwazela isitixo, kwa kude kube kaloku nje, besitya njengokungati yinto ebingelweyo isitixo; nesazeliso sabo, sibutataka nje, siyadyojwa.

₈Kodwa ukudla akusikolekisi kutixo: ngokuba naxeshekweni sityayo, singagqitiseli; naxeshekweni singatyiyo, singancipeki. ₉Lumkani kodwa hleze kungati eligunya lenu libe sisiku̔bekiso kubo ababutataka. ₁₀Ngokuba, xeshekweni umntu akubonayo wena onokwazi uhleli pantsi etempileni yesitixo, singayi kuti na isazeliso sake, ebutataka nje, somelezelwe ukuba kutyiwe izinto ezibingelweyo izitixo; ₁₁aze abube umzalwana obutataka ngokwazi kwako, lowo u‐Kristu wafa ngenxa yake? ₁₂Kodwa nisona njalo ngakubo abazalwana, nidubula nokudubula isazeliso sabo esibutataka nje, niyona ngakuye u‐Kristu. ₁₃Ngako oko ukuba ukudla kuyaxakanisa umzalwana wam, andisayi kutya inyama napakade, ukuze umzalwana wam ndingamxakanisi.