Eyokuqala incwadi ka‐Paulusi kuma‐Korinte 13

₁NAKUBA nditeta ngenteto zabantu nezengelosi, kodwa ndingenalo utando, sendiyixina ehlokomayo, umhlaumbi yisimbali ekencezayo. ₂Kanjalo nakuba ndinesipiwo sokuprofitesha, ndiqonda nemfihlakalo zonke, nako konke ukwazi; ewe nakuba ndinalo lwonke ukolo, ndide ndizishenxise intaba, kodwa ndingenalo utando, ndiyinto enganto. ₃Kanjalo nakuba ndiyaba yonke impahla yam ngokufunzela amahlwempu, ewe nakuba ndiwunikela umzimba wam ukuze nditshiswe, kodwa ndingenalo utando, andincedwa luto.

₄Utando lunokuzeka kade, lunobubele; utando alunozondo; utando aluzidli, aluvutelani, ₅alwenzi ngokungafanelekileyo, alufuni okwalo, alunakucapukiswa, alutelekeleli ububi; ₆aluvuyeli okungalungileyo, kodwa luyavuya kunye nayo inyaniso; ₇luyanyamezela izinto zonke, luyakolwa zizinto zonke, luyatemba izinto zonke, lunomonde ezintweni zonke.

₈Utando alutshitshi napakade: kodwa nokuba ziziprofitesho, ziya kutshabalala; nokuba zinteto, ziya kupela; nokuba kukwazi, kuya kutshabalala. ₉Ngokuba sisazi ngokwenxenye, kanjalo siprofitesha ngokwenxenye. ₁₀Kodwa xeshekweni kufika oko kufezekileyo, kuya kwandula oko kungokwenxenye kutshabalale. ₁₁Xeshekweni ndibe ndingumntwana, ndanditeta njengomntwana, ndandikumbula njengomntwana, ndanditelekelela njengomntwana; kodwa ngoku sendiyindoda nje, ndizibekile nxamnye izinto zobuntwana. ₁₂Ngokuba kaloku nje sibona ngayo incwadi ekusiteni, kodwa oko sobona ubuso ngakubo ubuso: kaloku nje ndiyazi ngokwenxenye, kodwa oko ndiya kwazi ngokukolisekileyo, njengokuba kanjalo bendisaziwa ngokukolisekileyo.

₁₃Kodwa kaloku nje kuhleli ukolo, itemba, utando, ezizinto zontatu; kanti eyona inkulu pakati kwezi lutando.