1BANDULA o‐Sirayeli bonke bazihlanganisela ku‐Davide e‐Hebrone, besiti: Bona ke, silitambo lako nenyama yako tina. 2Kanjako kwa ngapambili, xeshekweni u‐Saule abesengukumkani, ebenguwe owapumisa nowangenisa o‐Sirayeli; kanjalo uyehova, utixo wako, wati kuwe: Wena uya kwalusa abantu bam o‐Sirayeli, wauya kuba yinkosi pezu kwabo abantu bam o‐Sirayeli. 3Ngako bonke abadala bo‐Sirayeli beza kukumkani e‐Hebrone; waye u‐Davide walwenza ucebano nabo e‐Hebrone ebusweni bukayehova; baza bamtambisa u‐Davide abe ngukumkani pezu kwo‐Sirayeli, njengalo ilizwi likayehova, ngo‐Samyali.
4Waza waya u‐Davide, no‐Sirayeli bonke, e‐Yerusaleme, eyi‐Yebusi; ngokuba ama‐Yebusi, abemi belozwe, ebekona. 5Baza abemi base‐Yebusi bati ku‐Davide: Akuyi kungena apa. Wati u‐Davide noko wayitimba inqaba ye‐Ziyone, ekwa siso isixeko sika‐Davide. 6Wayesiti u‐Davide: Osukuba ebeta ama‐Yebusi ukuqala, uya kuba yintloko nenkosi. Waza u‐Jowabi unyana ka‐Tseruya wenyuka ukuqala, waba yintloko. 7Wandula u‐Davide wahlala enqatyeni; ngako oko bayibiza ngokuti sisixeko sika‐Davide. 8Waza waka isixeko eso ngokungqonga, kutabata e‐Milo kwada kwakuyo indawo engqongayo; nesisalela sesixeko wasihlaziya u‐Jowabi. 9Waye u‐Davide wamana ehambisa, waba mkulu; ngokuba uyehova wemikosi ebenaye.
10ZIZO ezi intloko zamagoṙa abenawo u‐Davide, abezomelezela yena ebukumkanini bake, kunye no‐Sirayeli bonke, ukumenza ukumkani, njengelizwi likayehova pezu kwo‐Sirayeli. 11Nangu umbalwa wamagoṙa abenawo u‐Davide: u‐Yashobame unyana ka‐Hakemoni, intloko yenjengele; yena wavivinya intshuntshe yake ngakuwo amakulu matatu abahlatyiweyo nguye ngexesha linye.
12Kwaye kuko emva kwake u‐Elezari, unyana ka‐Dodo, um‐Ahoha, obepakati kwawo amagoṙa amatatu. 13Yena wabeko no‐Davide e‐Pase‐damime, akuhlanganiselwa kona ama‐Filistiya ukulwa, apo bekuko kona isahlulo somhlaba sizele yiṙalasi; baza abantu besaba pambi kwama‐Filistiya. 14Kodwa bazimisa pakati kwentsimi leyo, bayilondoloza, bawabulala ama‐Filistiya; waza uyehova wabasindisa ngosindiso olukulu.
15Kwaye kusihla abatatu bakubo abamashumi matatu abazintloko ngaseweni ukuya ku‐Davide emqolombeni we‐Hadulame: wati umkosi wama‐Filistiya wati waca emhlanjeni wama‐Rafa. 16Waye u‐Davide oko ebesenqatyeni, nelali yama‐Filistiya ibiko oko e‐Beteleheme. 17Waza u‐Davide walangazelela, wati: Akwaba bendinokusezwa amanzi equleni lase‐Beteleheme, elisesangweni! 18Basuka abatatu abo batyoboza emkosini wama‐Filistiya, baka amanzi equleni lase‐Beteleheme, elisesangweni, bawatwala, bawazisa ku‐Davide: koko u‐Davide ebengavumi ukuwasela, kodwa wawatululela kuyehova, 19wati: Ubunzima mabube kum buvela kutixo wam, ukuba ndiyenza lento! igazi lalamadoda ndiya kuwasela na, abehamba ngokuncama ubomi bawo? ngokuba ngokuncama ubomi bawo ewazisile: ngako ebengavumi ukuwasela. Ezizinto azenza lawomagoṙa matatu.
20Kanjalo u‐Abishai, umninawe ka‐Jowabi, ebeyintloko yabatatu: yena wavivinya intshuntshe yake ngakuwo amakulu matatu abahlatyiweyo nguye, waza wanegama pakati kwabatatu abo. 21Kubo abatatu abo, ebebekekile ngapezu kwababini, waba yinkosi yabo; kodwa akafikelela kwabatatu bokuqala.
22U‐Benaya, unyana ka‐Yoyada, unyana wendoda ebuṙoti, obemkulu, ngezenzo, owase‐Kabetsele, yena wabulala amadoda mabini abungonyamaṙa ase‐Mowabi: kanjako wehla wabulala ingonyama pakati kwomnxuma ngomhla wengqele: 23wabulala nendoda engum‐Jipete, indoda yobude obukulu, yekubite ezintlanu; nasesandleni som‐Jipete lowo ibiko intshuntshe njengomti wabaluki; koko wehlela kuye ngentonga, wayityutula intshuntshe esandleni som‐Jipete, wambulala ngeyake intshuntshe. 24Ezizinto wazenza u‐Benaya unyana ka‐Yoyada, waza wanegama pakati kwalawomagoṙa matatu. 25Pakati kwabo abamashumi matatu, bona ke, ebebekekile; kodwa akafikelela kwabatatu bokuqala. Wati u‐Davide wammisa pezu kwomlisela wake.
26Kanjako amagoṙa asezimpini ebengaba: u‐Hasaheli umninawe ka‐Jowabi; u‐Lehanane unyana ka‐Dodo, um‐Beteleheme; 27u‐Shamote, um‐Harori: u‐Heletse, um‐Peloni; 28u‐Hira unyana ka‐Hikeshe, um‐Tekoha; u‐Abihezere, um‐Hanatote; 29u‐Sibekai, um‐Husha; u‐Hilai, um‐Ahoha; 30u‐Maharai, um‐Netofati; u‐Helede unyana ka‐Bahana, um‐Netofati; 31u‐Yitai unyana ka‐Rabai, owase‐Gibeha yosapo luka‐Benjamine; u‐Benaya, um‐Piratone; 32u‐Hurai, owasezintilini zase‐Gahashe; u‐Abiyeli, um‐Haraba; 33u‐Hazamaveti, um‐Bahurime; u‐Eliyaba, um‐Shahalaboni: 34kubo onyana baka‐Hashame, um‐Gizo, u‐Jonatane unyana ka‐Shage, um‐Harari; 35u‐Ahiyame unyana ka‐Sakare, um‐Harari; u‐Elifali unyana ka‐Ure; 36u‐Hefere, um‐Mekera; u‐Ahiya, um‐Peloni; 37u‐Hetsero, um‐Karamele; u‐Narai unyana ka‐Zebai; 38u‐Joweli umninawe ka‐Natane; u‐Mibihare unyana wom‐Hagare; 39u‐Tseleki, um‐Hamoni: u‐Naharai, um‐Berote, umtwali wezixo̔bo ku‐Jowabi unyana ka‐Tseruya: 40u‐Hira, um‐Yetere; u‐Garebi, um‐Yetere; 41u‐Huriya, um‐Hete; u‐Zabadi unyana ka‐Halai; 42u‐Hadina unyana ka‐Shiza, um‐Rubene, intloko yama‐Rubene, ekunye naye amashumi matatu; 43u‐Hanane unyana ka‐Mahaka; no‐Yoshafate, um‐Miteni; 44u‐Huziya, um‐Hashetarote: u‐Shama, no‐Yeyeli, onyana baka‐Hotame, um‐Harohere; 45u‐Yedaheli unyana ka‐Shimri; no‐Yoha umzalwana wake, um‐Titse; 46u‐Eliyeli, um‐Mahavi; no‐Yeribai, no‐Yoshariya, onyana baka‐Lenahame: no‐Yitema, um‐Mowabi; 47u‐Eliyeli; no‐Obedi; no‐Yahasiyeli, um‐Metsobaya.
