VHAROMA 15

₁Riṋe-ha ri si na valuvalu kha lutendo musi ri tshi vhona vhaṅwe vhe naḽo ri fanela u vha konḓelela, ri songo ṱoḓa zwi ri takadzaho ri roṱhe. ₂Tshashu roṱhe hu vhe u takadza wa hashu ri tshi itela u mu tonda uri ri fhaṱane kha lutendo. ₃Hufha na Khristo a songo ṱoḓa zwine zwa takadza Ene muṋe. A thi ri ho ṅwalwa ha pfi,

₄Zwoṱhe zwo ṅwalwaho kale Maṅwaloni zwo ṅwalelwa u gudisa riṋe, zwi tshi ri ṱuṱuwedza u lavhelela zwe Mudzimu a ri fulufhedzisa ri sa fheli mbilu. ₅Ane a ri ṱuṱuwedza uri ri konḓelele ndi Mudzimu; ngavhe a tshi ita uri ni anḓane nga u tevhedza zwe Khristo Yesu a ita, ₆uri noṱhe ni hulise Mudzimu a re Khotsi a Muṋe washu Yesu Khristo nga mbilu nthihi na ipfi ḽithihi.

₇Ndi zwone ṱanganedzanani unga na Khristo o ni ṱanganedza, uri Mudzimu a huliswe ngazwo. ₈A thi ri Khristo o ḓiita mushumeli wa Majuda uri u fulufhedzea ha Mudzimu hu vhonale? O zwi itela u khunyeledza zwe Mudzimu a vha o fulufhedzisa vhomakhulukuku wavho, ₉uri na vhannḓa vha hulise Mudzimu nga u vhona tshilidzi tshawe, unga ho ṅwalwa ha pfi,

₁₃Huno Ene Mudzimu we a ri fulufhedzisa zwivhuya zwine ra vho kona u zwi lavhelela, ngavhe a tshi ni ḓadza dakalo, a ni fha mulalo tshoṱhe nge na mu fulufhela, uri ni dzule no mu lavhelela zwi tshi bva kha Muya Mukhethwa.

₁₄Vha hashu, nṋe ndi vhona ni vhavhuya vhukuma, ni na nḓivho yoṱhe, ni kona u eletshedzana nga tshaṋu. ₁₅Mudzimu nga vhuthu hawe o nndaedza uri ndi ni ṅwalele ndi tshi ni dzivhulusa, nṋe huṅwe nda ṅwala ndi sa dzumbi. ₁₆Mudzimu o nnyita tshifhe wa u ḓivhadza vhannḓa mafhungo maḓifha a Khristo Yesu, uri vha nge nduvho ine nda ṋekedza i takalelwaho nga Mudzimu, yo itwa khethwa nga Muya Mukhethwa. ₁₇Zwino nge nda vha wa Yesu Khristo ndi na zwine nda nga kona u zuwa zwe nda shuma kha zwa Mudzimu. ₁₈Ndi ḓo amba zwenezwo fhedzi zwe Khristo a shuma nga nṋe, nga maipfi na mishumo ya uri na vhannḓa vha vhe vhane vha pfa Mudzimu. ₁₉O shuma nga maanḓa a zwiga na maḓembe, nga maanḓa a Muya wa Mudzimu ndi tshi ḓivhadza mafhungo maḓifha a Khristo u thoma Jerusalema nda vhuya nda swika na Iliria. ₂₀Nṋe ndo lusa u ḓivhadza mafhungo maḓifha henefho fhedzi he dzina ḽa Khristo ḽa vha ḽi sa athu pfala, uri ndi si fhaṱe kha muteo we wa tewa nga muṅwe, ₂₁unga ho ṅwalwa ha pfi,

₂₂Ndi zwone zwo nkundisaho lunzhi u ni dalela. ₂₃Zwino vhunga ndo no ṱanganya mivhundu ino, nahone hu kale ndo ḓi ṱulutshela u ḓa ha inwi, ₂₄ndi ri ngavhe ndi tshi nga zwi ita zwino. Huno ndi nga takala u fhira ndi tshi ni ṱolela hezwi ndi tshi ya Spania na ḓo kona u mpfarisa nga zwa u ya henengei, musi ndo thoma u dzulinyana henefho nda ḓiphiṋa nga u ni vhona. ₂₅Zwino-ha ndi kha ḓi thoma u ya Jerusalema ndo fara zwa u vhavhalela vhakhethwa vha Mudzimu henengei. ₂₆Ndi uri vha Makedonia na vha Akhaya vho langana nga dakalo uri vha ite sengosengo vha kovhele-vho vhakhethwa vha Mudzimu vha re vhashai ngei Jerusalema. ₂₇Vhone vho ḽi vhofha nga vhoṱhe, nahone ndi pfanelo ya uri vha vhavhalele-vho avho vhashai, ngauri Majuda vho kovhela vhannḓa zwa muya, zwenezwo na vhannḓa vha fanela u tonda-vho Majuda nga zwa u fusha muvhili. ₂₈Musi ndo no khunyeledza mushumo uyu nda vha kumedza itshi tshiṱunḓo tshe vha kuvhanganyelwa, ndi hone ndi tshi ḓo fhira nga henefho musi ndi tshi ṱutshela Spania. ₂₉Nahone ndi fulufhela uri musi ndi tshi swika henefho ndi ḓo ḓa na mashudu oṱhe a Khristo nga vhuḓalo.

₃₀Ndi a ni humbela-ha vha hashu, vhunga ri vha Muṋe washu Yesu Khristo, rí na lufuno lwe ra fhiwa nga Muya wawe, ndi ri kha ri khwaṱhele roṱhe u rabela Mudzimu, ni tshi nthabelela ₃₁uri ndi lamulelwe kha vhaḽa vha ngei Judia vho landulaho Khristo, na uri vhakhethwa vha Mudzimu vha re Jerusalema vha takalele zwine nda khou ya u vha vhavhalela ngazwo, ₃₂uri ndi tshi swika ha inwi ndi swike nga dakalo, arali Mudzimu a tshi funa ndi ḓiphiṋe nga u awela na inwi henefho. ₃₃Ene Mudzimu Muladzashango nga a vhe na inwi noṱhe henefho. Amen.