DZIPHISALEMA 67

₁Ngavhe Mudzimu a tshi ri itela vhuthu a ri shudufhadza,

a ri vhonetshela nga tshifhaṱuwo tshawe,

₂uri ḽifhasi ḽoṱhe ḽi vhone zwine a ita,

tshakha dzoṱhe dzi ḓivhe maanḓa awe a u tshidza.

₃Mudzimu, vhathu kha vha u rende,

tshakha dzoṱhe nga dzi u tende!

₄Tshakha nga dzi takale dzi u fhululedze;

u haṱula vhathu u sa ṱaluli,

wa endedza dzitshakha fhano fhasi.

₅Mudzimu, vhathu kha vha u tende,

tshakha dzoṱhe nga dzi u tende!

₆Shango ḽo bveledza khaṋo,

Mudzimu, Ene Mudzimu ashu,

o ḓi ri shudufhadza.

₇Mudzimu o ri shudufhadza,

ḽifhasi ḽoṱhe nga he ḽa guma nga ḽi mu ofhe.