DZIPHISALEMA 150
Thendo ya zwoṱhe zwi femaho
1Haleluya,
nga hu rendwe Muṋe washu!
U rendwa ngafhi?
Rendani Mudzimu nḓuni yawe khethwa,
rendani Ramaanḓa wa ngei lutomboni!
U rendelwani?
2Mu rendeni, o ita zwihulu!
Mu rendeni,
vhuhulu hawe a vhu konadzei!
U rendwa hani?
3Mu rendeni nga phalaphala,
mu rendeni nga haripa na tshihwana,
4mu rendeni nga mirumba ni tshi tshina,
mu rendeni nga thale na zwiṱiringo,
5mu rendeni no kungela tshwayo,
mu rendeni nga tshwayo dzi bvumaho!
Hu renda nnyi?
6Zwoṱhe zwi femaho,
nga zwi rende Muṋe washu!
Haleluya,
nga hu rendwe Muṋe washu!
© Bible Society of South Africa 1998. Used with permission. All rights reserved.
