DZIPHISALEMA 142

₁Ndi vhidzelela Muṋe washu

nda tou ṱavha mukosi, nda ri,

“Muṋe washu, nkhathutshele!”

₂Ndi tou mu ṱanzela zwa mbiluni yanga,

nda mu vhudza zwi nndinaho.

₃Ndi tshi kulekana nungo,

ndi Iwe u no ḓivha zwoṱhe zwine nda ṱangana nazwo:

Vho nthetshela zwikwekwe nḓilani yanga.

₄Lavhelesa kha tshauḽa tshanga u vhone:

A hu na a nndondaho,

a thi na vhuyo, thi na mulondoli.

₅Ndi lilela Iwe Muṋe washu, ndi ri,

ndi Iwe vhushavhelo hanga,

u mukovhe wanga shangoni ḽa vha tshilaho.

₆Thetshelesa tshililo tshanga,

ndo hanganea tshoṱhe;

nndamukise kha vha ntovholaho,

vha a nkunda.

₇Mmvise dzhele,

ndi kone u renda dzina ḽau;

ndi hone vha fulufhedzeaho vha tshi ḓo nndalela vhoṱhe,

vha tshi vhona vhuthu he wa nnyitela.