DZIPHISALEMA 136

₁Livhuhani Muṋe washu, u na vhuthu!

₂Livhuhani Mudzimu a re nṱha ha zwoṱhe!

₃Livhuhani Muṋe wa vhaṋe!

₄Ndi Ene e eṱhe a itaho maḓembe!

₅O ita ḽiṱaḓulu nga vhuṱali.

₆O tea ḽifhasi nṱha ha maḓi.

₇O ita zwiedza zwihulu.

₈Ḓuvha a ri ḽi vhuse masiari,

₉ṅwedzi na ṋaledzi zwi vhuse vhusiku.

₁₀O fhedza matanzhe a Egipita,

₁₁a bvisa Israele vhukati havho

₁₂nga tshanḓa tshawe tsha maanḓa ó tshi angaladza.

₁₃O fhandekanya Lwanzhe lwa Dziṱhanga nga vhukati,

₁₄a fhirisa Israele nga vhukati halwo,

₁₅a kumbisa Farao na mmbi yawe nga Lwanzhe lwa Dziṱhanga,

₁₆a tshimbidza vhathu vhawe phangani.

₁₇O lozwa mahosi a maanḓa,

₁₈a vhulaha mahosi a re na bvumo:

₁₉Sihoni khosi ya Vhaamori,

₂₀na Ogo khosi ya Bashani,

₂₁mashango avho a a ṋea Israele mulanda wawe,

₂₂a vha avho.

₂₃O ri elelwa ró kandeledzwa,

₂₄a ri lamukisa kha maswina.

₂₅Zwivhumbwa zwoṱhe u zwi ṋea zwiḽiwa.

₂₆Livhuhani Mudzimu wa makoleni!