MATIOSI 1

₁Bugu ya lutsinga lwa Yesu Khristo, Murwa wa Dafita a re murwa wa Abrahamu asiyi: ₂Abrahamu o beba Isaka; Isaka a beba Jakopo; Jakopo a beba Juda na vhakomana vhawe na vharathu vhawe; ₃Juda a beba Pheretse na Zera nga Thamara; Pheretse a beba Esromu; Esromu a beba Ramu; ₄Ramu a beba Aminadaba; Aminadaba a beba Nahashoni; Nahashoni a beba Salimoni; ₅Salimoni a beba Buasi nga Rahaba; Buasi a beba Obede nga Rute; Obede a beba Isai; ₆Isai a beba Dafita uḽa wa khosi.

Dafita a beba Solomoni nga musadzi we a vha e wa Uria; ₇Solomoni a beba Rehabiamu; Rehabiamu a beba Abia; Abia a beba Asa; ₈Asa a beba Josafati; Josafati a beba Joramu; Joramu a beba Uzia; ₉Uzia a beba Jothamu; Jothamu a beba Ahasi; Ahasi a beba Hiskia; ₁₀Hiskia a beba Manase; Manase a beba Amoni; Amoni a beba Josiasi; ₁₁Josiasi a beba Jakonia na vharathu vhawe vha konou thubelwa Babele.

₁₂Musi vho no thubelwa Babele Jakonia a beba Salathiele; Salathiele a beba Zerubabele; ₁₃Zerubabele a beba Abiudi; Abiudi a beba Eliakimu; Eliakimu a beba Azori; ₁₄Azori a beba Tsadoko; Tsadoko a beba Akimu; Akimu a beba Eliudu; ₁₅Eliudu a beba Eliasere; Eliasere a beba Mathani; Mathani a beba Jakopo; ₁₆Jakopo a beba Josefa munna wa Maria we a vha mme a Yesu ane a pfi Khristo.

₁₇Ngauralo mirafho yoṱhe u bva kha Abrahamu u swika kha Dafita ndi 14; u bva kha Dafita u swika vha tshi thubelwa Babele ndi 14; u bva kha vhuthubwa u swika kha Mesia ndi 14.

₁₈Mafhungo a u bebwa ha Yesu Khristo ngea: Musi Maria mme awe o fulufhedziswa Josefa, hone vha sa athu dzhena nḓuni, a wanala e muthu wa thovhela nga Muya Mukhethwa. ₁₉Zwino Josefa munna wawe nge a vha e muvhuya o vha a sa funi u mu shonisa kha vhathu; ndi zwe a humbula u tou mu ṋenga. ₂₀A tshi kha ḓi humbula u ita zwenezwo a lora a tshi khou vhona muruṅwa wa Muṋe washu a tshi ri, “Josefa muḓuhulu wa Dafita, u songo ofha u vhinga Maria musidzana wau; zwine a vha nazwo zwi bva kha Muya Mukhethwa. ₂₁Nazwino u ḓo beba ṅwana wa mutukana. U mu rine ḽa Yesu, a ngauri ndi Ene ane a ḓo tshidza vhathu vhawe vhutshinyini havho.”

₂₂Hezwi zwoṱhe zwo itea uri hu khunyelele ḽe Muṋe washu a amba nga muporofita a tshi ri,

₂₄Josefa a tshi karuwa a ita zwenezwo zwe muruṅwa wa Muṋe washu a mu vhudza, a vhinga muselwa wawe, ₂₅hone ho ngo mu dzhenisa nḓuni a sa athu beba ṅwana wawe. Musi mutukana o no bebwa a mu rina ḽa Yesu.