DZIPHISALEMA 87

₁Muṋe washu o tea muteo wa muḓi

thavhani khethwa;

₂u funa muḓi wa Tsioni,

na khoro dzawo dzavhuḓi,

u fhira miḓi yoṱhe ya Jakopo.

₃Iwe muḓi wa Mudzimu

a u khoḓwi zwone,

u pfi u na vhugala.

₄Mudzimu u ri,

“Na Egipita, na Babele,

ndi ḓo vha vhala na vhane vha nnḓivha,

nda si sie na Filista na Tiro na Kushu,

nda ri ‘Hoyu o bebwa-vho Tsioni.’

₅Ngangoho hu tshi ambiwa Tsioni hu ḓo pfi,

‘Hoyu na houḽa vho bebwa-vho hone.

U ḓo tewa nga Waṱaḓuluṱaḓulu Ene muṋe.’ ”

₆Muṋe washu u ḓo ri a tshi ṅwala dzitshakha a ri,

“Hoyu o bebwa Tsioni,

na hoyu, na hoyu.”

₇Vha ḓo imba vha pembela vha ri,

“Ndí Tsioni, ndi hone ndi hayani.”