DZIPHISALEMA 137

₁Milamboni ya Babele

ro dzula fhasi ra lila ri tshi elelwa Tsioni.

₂Henefho ro fhahea haripa dzashu kha miṋengeledzi.

₃Vhathubi vhashu henengei vho ri ri vha imbele nyimbo,

vhashengedzi vhashu vha ri ri vha imbele dza dakalo, vha ri,

“Edzonu ri imbela luṅwe lwa dza Tsioni.”

₄Ri nga imba hani luimbo lwa Muṋe washu

ri shangoni ḽisili?

₅Iwe Jerusalema, nda hangwa iwe,

tshanḓa tshanga tshauḽa nga tshi tou kwatsha!

₆Nda sa u elelwa,

nda sa ri Jerusalema ndi ḽone dakalo fulu ḽanga,

izwo lulimi lwanga nga lu nambatele marinini!

₇Muṋe washu, u songo hangwa zwe Vhaedomo vha ita

musi wa u lozwiwa ha Jerusalema;

vho ri, “U thutheni!

U thutheni, na miteo yawo!”

₈Iwe Babele mme a vhathu,

u ḓo phusukanywa!

Ú na mashudu a no ḓo u lifhedza,

a u ita zwe wa ri ita!

₉U na mashudu a no ḓo dzhia vhushie hau

a vhu rwisa na tombo.