DZIPHISALEMA 120

₁Ndo vhidzelela Muṋe washu ndí khomboni,

a mphindula.

₂Muṋe washu,

nndamukise kha vhadzia-u-zwifha,

vha ndimi dza u fhura.

₃Inwi vha ndimi dza u fhura,

Mudzimu u ḓo ni itani?

U ḓo ni laṱisa hani?

₄U ḓo ni pfula nga misevhe ya vhuhali, yo ṱuṱulwaho,

a ni fhisa nga masimbe a mudzwiri.

₅Khombo yanga,

nṋe ane nda dzula Misheke hu si na mulalo,

ane nda dzula na Vhakedara vhadzianndwa!

₆Ndo tshilesa na vhane vha vhenga mulalo!

₇Nṋe ndi mudziamulalo;

ndi tshi amba a mulalo, vhone vha ṱoḓa nndwa.