SIRAKA 32

₁A ba go dirile molaodi wa modiro? A golo moo go se ka ga go ya kwa tlhogong; O nne fela jaaka mongwe le mongwe yo o mo modirong. E re O sena go bona gore O ba itumedisitse O nne fa fatshe le wena.

₂E re O sena go dira ditiro tse O neng O tšhwanetse go di dira, O nne fa O tšhwanetseng go nna gone mme O itumele le ba bangwe, O bo O amogele serwalo sa maatlametlo a gago mo tirong.

₃Lo bueng, lona bannabagolo, gonne go a tšhwanela gore lo bue; le gale lo itse se lo se buang, le gone lo se ka lwa tsenelela kopelo.

₄E se ka ya re batho ba sa ntse ba tšhwere maitiso a a kgatlhang lwa nnela go laaka, le gone lo se ka lwa bontsha botlhale jwa lona ka nako e e sa tshwanelang.

₅Maitiso a a monate a kopelo mo modirong wa bojalwa a kgatlha jaaka kgolokwane ya leje le le borethe le le hibitšwana le lentlenyana, le le kanetšweng mo lejaneng la botlhokwa le lentle.

₆Melodi e e monate ya dipina go nowa bojalwa jo bo tlhapolang e tshwana le lejana la botlhokwa le letalana le le tometšweng mo setšheng sa gouta.

₇Lo bueng, lona makawana, fa e le gore lo tšhwanetse go bua; fela lo se ka lwa bua go feta gabedi, le gone lo bue fela fa lo bodiwa.

₈Lo bue se lo tšhwanelang go se bua fela, lo bueng go le gontsi ka mafoko a se kaee fela. lo nne jaaka batho ba ba itseng thata fela ba ba sa rateng go bua.

₉Fa lo na le batho ba maemo lo se ka lwa ipaya jaaka ekete lo lekana nabo; le gone fa yo mongwe a bua lo se ka lwa nnela go bua dinyana.

₁₀Botsalano bo etelela motho yo o boikgapo pele jaaka legadima le phatsima pele ga leru le duma.

₁₁O eme O tsamaye nako e sale gone sentle, O se ka wa nna wa bofelo, O itlhaganelele gae, O sa diege gope.

₁₂O fete O itumele koo, mme O dire se O ikaeletseng go se dira; fela O se ka wa leofa ka puo ya boikgogomoso.

₁₃Mme O bake one o o go dirileng; O o bakela dilo tse tsotlhe, one o o ntseng o go fa dilo tsa one tse di molemo.

₁₄Mongwe le mongwe yo o boifang Modimo o dumalana le go rutwa ke one; botlhe ba ba o batlang ka tlhwaafalo ba ratwa ke one.

₁₅Motho yo o batlang Molao o otliwa ke one, moitimokanyi ene o a mo kgopa.

₁₆Botlhe ba ba boifang Morena ba tlaa direlwa tshiamo, mme ba tlaa phatsimisa ditiro tsa bone tse di siameng jaaka lesedi.

₁₇Moleofi o kgaphela kgalemelo kwa thoko, o bona diipato gore a dire se a se batlang.

₁₈Motho yo nang le tlhaloganyo ga a nke a nyatsa se a se umakelwang. mme motho yo o ikgogomosang yo e leng moikepi ga a nke a bo a boifa sepe.

₁₉O se ka wa bo wa ne O dira fela O sa akanya sentle. mme ga O na gone o ikwatlhaela sepe fa O sena go se dira.

₂₀O se ka wa tsaya tsela e e magwata, wa tloga wa kgopiwa ke maje.

₂₁E se ka ya re O le mo tseleng e e borethe, wa e ikanya go feta selekanyo, ₂₂le gone O gopole nako e e tlang.

₂₃O itlhokomele mo go sengwe le sengwe se O se dirang, gonne ke gone go tshegetsa melao mo.

₂₄Motho yo o ikantseng Molao o ela ditaolo tlhoko, mme motho yo o ikantseng Morena ga a na a tlhagelwa ke bosula bope.