DIPESALEME 93

₁Morena ke kgosi,

o apere borena.

Morena o apere,

o itlamile ka bonatla.

Lefatshe le lone o le thaile

gore le se ka la tshikinyega.

₂Sedulo sa gago sa bogosi se sa le

se tlhomama bogologolo tala.

Wena o ntse o le teng

ka bosenatshimologo.

₃Morena, dinoka di tsholeditse,

dinoka di tsholeditse

kgwaso ya tsona;

dinoka di tsholetsa

mosumo wa tsona.

₄Morena mo bogodimong

o thata go gaisa kgwaso

ya metsi a magolo

le dintelo tse dikgolo tsa lewatle.

₅Ditshupo tsa gago

di ikanyega gotlhe;

Ntlo ya gago, Morena,

e tshwanetswe ke boitshepo

ka metlha yotlhe.