DIPESALEME 1

₁Go sego monna

yo o sa tsamaeng

ka fa kgakololong ya baikepi,

le e seng go gata

mo tseleng ya baleofi,

le e seng go nna

mo mannong a basotli,

₂mme a itumelela

molao wa Morena,

a akanya molao wa gagwe

bosigo le motshegare.

₃O tshwana le setlhare

se se tlhomilweng

fa dinokaneng tsa metsi,

se se ungwang leungo la sona

mo motlheng wa sona,

se matlhare a sona a sa swabeng,

mme tsotlhe tse o di dirang

o di swetsa ka lesego.

₄Baikepi ga ba a nna jalo;

nnyaya, ba tshwana le moko

o phefo e o gogolang.

₅Ka ntlha ya moo baikepi

ga ba nke ba atlholelwa

mo katlholong,

le e seng baleofi

mo phuthegong ya basiami.

₆Gonne Morena o itse

tsela ya basiami,

mme tsela ya baikepi

e isa tshenyegong.