NUMERI 7

₁E rile ka letsatsi fa Moše a sena go tlhoma Taberenakele le go e tlotsa le go e itshepisa le didiri tsotlhe tsa yona le go fetsa aletare le didiri tsotlhe tsa yona le go di tlotsa le go di itshepisa, ₂dikgosana tsa Iseraele, e bong ditlhogo tsa dikgotla tsa bone, tsa tlisa dineo – kana ke bone bagogi ba ditso ba ba okametseng ba ba badilweng – ₃ba tlisa neo ya tshupelo ya bone fa pele ga Morena, e bong dikoloi di le thataro tsa mankhurumetswane le dikgomo di le 12. Bagogi ba le babedi ba ntshitse koloi e le nngwe, mogogi mongwe le mongwe a ntshitse kgomo. Ba di tsisa fa pele ga Taberenakele. ₄Jaanong Morena a raya Moše a re: ₅“Di amogele mo go bone gore e nne tsa go dira tiro ya Tente ya Boipontsho, o di neele Balefi, mongwe le mongwe ka fa tirong ya gagwe.” ₆Ke fa Moše a tsaya dikoloi le dikgomo, a di neela Balefi. ₇Dikoloi di le pedi le dikgomo di le nne a di neela boora Geresone ka fa tirong ya bone. ₈Dikoloi di le nne le dikgomo tse di le robedi a di neela boora Merari ka fa tirong ya bone, ba okametswe ke Ithamare morwa moperesiti Arone. ₉Mme boora Kahathe a se ka a ba neela sepe. Gonne ba ne ba na le go tlhokomela tsa tirelo e e boitshepo, ba na le go di sikara ka magetla.

₁₀Jaanong bagogi ba tlisa dineo tsa kgakolo ya aletare ka letsatsi le e tloditsweng ka lone. Ba tlisa dineo tsa tshupelo tsa bone fa pele ga aletare. ₁₁Mme Morena a raya Moše a re: “A mogogi mongwe le mongwe a tlise neo ya tshupelo ya gagwe ya kgakolo ya aletare ka letsatsi la gagwe.”

₁₂Jaanong yo o neng a tsisa neo ya tshupelo ya gagwe ka letsatsi la ntlha e ne e le Nasone morwa Aminatabe wa lotso lwa ga Juta. ₁₃Neo ya gagwe e ne e le mogopo wa selefera o le mongwe wa bokete jwa dišekele di le 130 le mogotšwana o o kgatshetsang o le mongwe wa selefera wa dišekele di le 70, e le dišekele tsa Felo-ga-Boitshepo; ka bobedi jwa yona e ne e tletse bupe jo bo boleta jo bo dubilweng ka lookwane jwa tshupelo ya dijo; ₁₄le leiswana le le lengwe la dišekele tsa gouta di le some le tletse maswalo; ₁₅le poana e le nngwe le phelehu e le nngwe le kwana e le nngwe e tonanyana ya ngwaga o le mongwe tsa setlhabelo sa phiso; ₁₆le phoko e le nngwe ya setlhabelo sa boleo; ₁₇le setlhabelo sa tebogo sa dikgomo di le pedi le diphelehu di le tlhano le diphoko di le tlhano le dikwana tse ditonanyana tsa ngwaga o le mongwe di le tlhano. Ke yona neo ya tshupelo ya ga Nasone morwa Aminatabe.

₁₈Ka letsatsi la bobedi go ne ga tsisa Nethanele morwa Suare, kgosana ya lotso lwa ga Isašare. ₁₉A tsisa neo ya tshupelo ya gagwe, e bong mogopo wa selefera o le mongwe wa bokete jwa dišekele di le 130 le mogotšwana o o kgatshetsang o le mongwe wa selefera wa dišekele di le 70, e le dišekele tsa Felo-ga-Boitshepo; ka bobedi jwa yona e ne e tletse bupe jo bo boleta jo bo dubilweng ka lookwane jwa tshupelo ya dijo; ₂₀le leiswana le le lengwe la dišekele tsa gouta di le some le tletse maswalo; ₂₁le poana e le nngwe le phelehu e le nngwe le kwana e le nngwe e tonanyana ya ngwaga o le mongwe tsa setlhabelo sa phiso; ₂₂le phoko e le nngwe ya setlhabelo sa boleo; ₂₃le setlhabelo sa tebogo sa dikgomo di le pedi le diphelehu di le tlhano le diphoko di le tlhano le dikwana tse ditonanyana tsa ngwaga o le mongwe di le tlhano. Ke yona neo ya tshupelo ya ga Nethanele morwa Suare.

₂₄Ka letsatsi la boraro e ne e le kgosana ya boora Sebulone, e bong Eliabe morwa Helone. ₂₅Neo ya tshupelo ya gagwe e ne e le mogopo wa selefera o le mongwe wa bokete jwa dišekele di le 130 le mogotšwana o o kgatshetsang o le mongwe wa selefera wa dišekele di le 70, e le dišekele tsa Felo-ga-Boitshepo; ka bobedi jwa yona e ne e tletse bupe jo bo boleta jo bo dubilweng ka lookwane jwa tshupelo ya dijo; ₂₆le leiswana le le lengwe la dišekele tsa gouta di le some le tletse maswalo; ₂₇le poana e le nngwe le phelehu e le nngwe le kwana e le nngwe e tonanyana ya ngwaga o le mongwe tsa setlhabelo sa phiso; ₂₈le phoko e le nngwe ya setlhabelo sa boleo; ₂₉le setlhabelo sa tebogo sa dikgomo di le pedi le diphelehu di le tlhano le diphoko di le tlhano le dikwana tse ditonanyana tsa ngwaga o le mongwe di le tlhano. Ke yona neo ya tshupelo ya ga Eliabe morwa Helone.

₃₀Ka letsatsi la bone e ne e le kgosana ya boora Rubene, e bong Elisure morwa Seteure. ₃₁Neo ya tshupelo ya gagwe e ne e le mogopo wa selefera o le mongwe wa bokete jwa dišekele di le 130 le mogotšwana o o kgatshetsang o le mongwe wa selefera wa dišekele di le 70, e le dišekele tsa Felo-ga-Boitshepo; ka bobedi jwa yona e ne e tletse bupe jo bo boleta jo bo dubilweng ka lookwane jwa tshupelo ya dijo; ₃₂le leiswana le le lengwe la dišekele tsa gouta di le some le tletse maswalo; ₃₃le poana e le nngwe le phelehu e le nngwe le kwana e le nngwe e tonanyana ya ngwaga o le mongwe tsa setlhabelo sa phiso; ₃₄le phoko e le nngwe ya setlhabelo sa boleo; ₃₅le setlhabelo sa tebogo sa dikgomo di le pedi le diphelehu di le tlhano le diphoko di le tlhano le dikwana tse ditonanyana tsa ngwaga o le mongwe di le tlhano. Ke yona neo ya tshupelo ya ga Elisure morwa Seteure.

₃₆Ka letsatsi la botlhano e ne e le kgosana ya boora Simeone, e bong Sedumiele morwa Surišatai. ₃₇Neo ya tshupelo ya gagwe e ne e le mogopo wa selefera o le mongwe wa bokete jwa dišekele di le 130 le mogotšwana o o kgatshetsang o le mongwe wa selefera wa dišekele di le 70, e le dišekele tsa Felo-ga-Boitshepo; ka bobedi jwa yona e ne e tletse bupe jo bo boleta jo bo dubilweng ka lookwane jwa tshupelo ya dijo; ₃₈le leiswana le le lengwe la dišekele tsa gouta di le some le tletse maswalo; ₃₉le poana e le nngwe le phelehu e le nngwe le kwana e le nngwe e tonanyana ya ngwaga o le mongwe tsa setlhabelo sa phiso; ₄₀le phoko e le nngwe ya setlhabelo sa boleo; ₄₁le setlhabelo sa tebogo sa dikgomo di le pedi le diphelehu di le tlhano le diphoko di le tlhano le dikwana tse ditonanyana tsa ngwaga o le mongwe di le tlhano. Ke yona neo ya tshupelo ya ga Sedumiele morwa Surišatai.

₄₂Ka letsatsi la borataro e ne e le kgosana ya boora Gate, e bong Eliasafe morwa Rehuele. ₄₃Neo ya tshupelo ya gagwe e ne e le mogopo wa selefera o le mongwe wa bokete jwa dišekele di le 130 le mogotšwana o o kgatshetsang o le mongwe wa selefera wa dišekele di le 70, e le dišekele tsa Felo-ga-Boitshepo; ka bobedi jwa yona e ne e tletse bupe jo bo boleta jo bo dubilweng ka lookwane jwa tshupelo ya dijo; ₄₄le leiswana le le lengwe la dišekele tsa gouta di le some le tletse maswalo; ₄₅le poana e le nngwe le phelehu e le nngwe le kwana e le nngwe e tonanyana ya ngwaga o le mongwe tsa setlhabelo sa phiso; ₄₆le phoko e le nngwe ya setlhabelo sa boleo; ₄₇le setlhabelo sa tebogo sa dikgomo di le pedi le diphelehu di le tlhano le diphoko di le tlhano le dikwana tse ditonanyana tsa ngwaga o le mongwe di le tlhano. Ke yona neo ya tshupelo ya ga Eliasafe morwa Rehuele.

₄₈Ka letsatsi la bosupa e ne e le kgosana ya boora Eferaime, e bong Elisama morwa Amihute. ₄₉Neo ya tshupelo ya gagwe e ne e le mogopo wa selefera o le mongwe wa bokete jwa dišekele di le 130 le mogotšwana o o kgatshetsang o le mongwe wa selefera wa dišekele di le 70, e le dišekele tsa Felo-ga-Boitshepo; ka bobedi jwa yona e ne e tletse bupe jo bo boleta jo bo dubilweng ka lookwane jwa tshupelo ya dijo; ₅₀le leiswana le le lengwe la dišekele tsa gouta di le some le tletse maswalo; ₅₁le poana e le nngwe le phelehu e le nngwe le kwana e le nngwe e tonanyana ya ngwaga o le mongwe tsa setlhabelo sa phiso; ₅₂le phoko e le nngwe ya setlhabelo sa boleo; ₅₃le setlhabelo sa tebogo sa dikgomo di le pedi le diphelehu di le tlhano le diphoko di le tlhano le dikwana tse ditonanyana tsa ngwaga o le mongwe di le tlhano. Ke yona neo ya tshupelo ya ga Elisama morwa Amihute.

₅₄Ka letsatsi la robedi e ne e le kgosana ya boora Manase, e bong Gamaliele morwa Phetasure. ₅₅Neo ya tshupelo ya gagwe e ne e le mogopo wa selefera o le mongwe wa bokete jwa dišekele di le 130 le mogotšwana o o kgatshetsang o le mongwe wa selefera wa dišekele di le 70, e le dišekele tsa Felo-ga-Boitshepo; ka bobedi jwa yona e ne e tletse bupe jo bo boleta jo bo dubilweng ka lookwane jwa tshupelo ya dijo; ₅₆le leiswana le le lengwe la dišekele tsa gouta di le some le tletse maswalo; ₅₇le poana e le nngwe le phelehu e le nngwe le kwana e le nngwe e tonanyana ya ngwaga o le mongwe tsa setlhabelo sa phiso; ₅₈le phoko e le nngwe ya setlhabelo sa boleo; ₅₉le setlhabelo sa tebogo sa dikgomo di le pedi le diphelehu di le tlhano le diphoko di le tlhano le dikwana tse ditonanyana tsa ngwaga o le mongwe di le tlhano. Ke yona neo ya tshupelo ya ga Gamaliele morwa Phetasure.

₆₀Ka letsatsi la robongwe e ne e le kgosana ya boora Benyamene, e bong Abitane morwa Giteoni. ₆₁Neo ya tshupelo ya gagwe e ne e le mogopo wa selefera o le mongwe wa bokete jwa dišekele di le 130 le mogotšwana o o kgatshetsang o le mongwe wa selefera wa dišekele di le 70, e le dišekele tsa Felo-ga-Boitshepo; ka bobedi jwa yona e ne e tletse bupe jo bo boleta jo bo dubilweng ka lookwane jwa tshupelo ya dijo; ₆₂le leiswana le le lengwe la dišekele tsa gouta di le some le tletse maswalo; ₆₃le poana e le nngwe le phelehu e le nngwe le kwana e le nngwe e tonanyana ya ngwaga o le mongwe tsa setlhabelo sa phiso; ₆₄le phoko e le nngwe ya setlhabelo sa boleo; ₆₅le setlhabelo sa tebogo sa dikgomo di le pedi le diphelehu di le tlhano le diphoko di le tlhano le dikwana tse ditonanyana tsa ngwaga o le mongwe di le tlhano. Ke yona neo ya tshupelo ya ga Abitane morwa Giteoni.

₆₆Ka letsatsi la some e ne e le kgosana ya boora Dane, e bong Ahiesere morwa Amisatai. ₆₇Neo ya tshupelo ya gagwe e ne e le mogopo wa selefera o le mongwe wa bokete jwa dišekele di le 130 le mogotšwana o o kgatshetsang o le mongwe wa selefera wa dišekele di le 70, e le dišekele tsa Felo-ga-Boitshepo; ka bobedi jwa yona e ne e tletse bupe jo bo boleta jo bo dubilweng ka lookwane jwa tshupelo ya dijo; ₆₈le leiswana le le lengwe la dišekele tsa gouta di le some le tletse maswalo; ₆₉le poana e le nngwe le phelehu e le nngwe le kwana e le nngwe e tonanyana ya ngwaga o le mongwe tsa setlhabelo sa phiso; ₇₀le phoko e le nngwe ya setlhabelo sa boleo; ₇₁le setlhabelo sa tebogo sa dikgomo di le pedi le diphelehu di le tlhano le diphoko di le tlhano le dikwana tse ditonanyana tsa ngwaga o le mongwe di le tlhano. Ke yona neo ya tshupelo ya ga Ahiesere morwa Amisatai.

₇₂Ka letsatsi la 11 e ne e le kgosana ya boora Asere, e bong Phagiele morwa Ogorane. ₇₃Neo ya tshupelo ya gagwe e ne e le mogopo wa selefera o le mongwe wa bokete jwa dišekele di le 130 le mogotšwana o o kgatshetsang o le mongwe wa selefera wa dišekele di le 70, e le dišekele tsa Felo-ga-Boitshepo; ka bobedi jwa yona e ne e tletse bupe jo bo boleta jo bo dubilweng ka lookwane jwa tshupelo ya dijo; ₇₄le leiswana le le lengwe la dišekele tsa gouta di le some le tletse maswalo; ₇₅le poana e le nngwe le phelehu e le nngwe le kwana e le nngwe e tonanyana ya ngwaga o le mongwe tsa setlhabelo sa phiso; ₇₆le phoko e le nngwe ya setlhabelo sa boleo; ₇₇le setlhabelo sa tebogo sa dikgomo di le pedi le diphelehu di le tlhano le diphoko di le tlhano le dikwana tse ditonanyana tsa ngwaga o le mongwe di le tlhano. Ke yona neo ya tshupelo ya ga Phagiele morwa Ogorane.

₇₈Ka letsatsi la 12 e ne e le kgosana ya boora Nafetale, e bong Ahira morwa Enane. ₇₉Neo ya tshupelo ya gagwe e ne e le mogopo wa selefera o le mongwe wa bokete jwa dišekele di le 130 le mogotšwana o o kgatshetsang o le mongwe wa selefera wa dišekele di le 70, e le dišekele tsa Felo-ga-Boitshepo; ka bobedi jwa yona e ne e tletse bupe jo bo boleta jo bo dubilweng ka lookwane jwa tshupelo ya dijo; ₈₀le leiswana le le lengwe la dišekele tsa gouta di le some le tletse maswalo; ₈₁le poana e le nngwe le phelehu e le nngwe le kwana e le nngwe e tonanyana ya ngwaga o le mongwe tsa setlhabelo sa phiso; ₈₂le phoko e le nngwe ya setlhabelo sa boleo; ₈₃le setlhabelo sa tebogo sa dikgomo di le pedi le diphelehu di le tlhano le diphoko di le tlhano le dikwana tse ditonanyana tsa ngwaga o le mongwe di le tlhano. Ke yona neo ya tshupelo ya ga Ahira morwa Enane.

₈₄Ke tsona dineo tsa kgakolo ya aletare ka letsatsi le e tloditsweng ka lone, tse di ntshitsweng ke dikgosana tsa Baiseraele, e bong megopo ya selefera e le 12 le megotšwana e e kgatshetsang ya selefera e le 12 le maiswana a gouta a le 12. ₈₅Mogopo mongwe le mongwe e ne e le wa dišekele di le 130 tsa selefera le mogotšwana o o kgatshetsang mongwe le mongwe e le wa dišekele di le 70 tsa selefera. Selefera yotlhe ya dilwana tseo e ne e le dišekele di le 2 400 tsa Felo-ga-Boitshepo. ₈₆Maiswana a gouta a le 12 a a tletseng maswalo, leiswana lengwe le lengwe e ne e le la dišekele di le some tsa Felo-ga-Boitshepo. Gouta yotlhe ya maiswana e ne e le dišekele di le 120. ₈₇Diruiwa tsotlhe tsa setlhabelo sa phiso e ne e le dipoana di le 12 le diphelehu di le 12 le dikwana tse ditonanyana tsa ngwaga o le mongwe di le 12, mmogo le ditshupelo tsa dijo tsa teng le diphoko di le 12 tsa setlhabelo sa boleo. ₈₈Diruiwa tsotlhe tsa setlhabelo sa tebogo e ne e le dipoana di le 24 le diphelehu di le 60 le diphoko di le 60 le dikwana tse ditonanyana tsa ngwaga o le mongwe di le 60. Ke tsona tse e ne ya nna dineo tsa kgakolo ya aletare, fa e sena go tlodiwa. ₈₉Mme e ne ya re fa Moše a tsena mo Tenteng ya Boipontsho go bua le Morena, a utlwe lentswe la Morena le bua nae, le tswa kwa sekhurumelong sa thuanyo se se khurumelang Letlole la Tshupo fa gare ga boKerubime ba babedi; Morena a bue jalo nae.