DIPESALEME 13

₂Morena,

go tla nna goleele go le kae?

A o tla ntebalela ruri?

O tla mphitlhela sefatlhego sa gago

sebaka se se kana kang?

₃Ke tla akanya goleele go le kae

mo moweng wa me,

ke tlhola ke tletse bohutsana

mo pelong?

Mmaba wa me o tla inkgodisetsa

sebaka se se kana kang?

₄A o ko o bone, o nkutlwe,

Morena, Modimo wa me!

Sedifatsa matlho a me

gore ke se robale thobalo ya loso,

₅le gore mmaba wa me a se re:

“Ke mo fentse,”

mme baganetsi ba me ba se ipele,

fa ke theekela.

₆Mme nna,

ke ikanya boitshwarelo jwa gago;

pelo ya me

e tla ipelela thuso ya gago.

Ke tla opelela Morena pako,

ka a ntiretse molemo.