1 DITIRAFALO 8

₁Benyamene o ne a tsala Bela morwawe wa ntlha, wa bobedi e le Asebele, wa boraro e le Ahara; ₂wa bone e le Noga, wa botlhano e le Rafa.

₃Bela o ne a na le bomorwa, e bong Atare le Gera rraagwe Ehute ₄le Abisua le Naamane le Ahoa ₅le Gera le Sefufane le Hurame.

₆Bomorwa Ehute ke ba: (bone e ne e le ditlhogo tsa dikgoro mo baaging ba Geba; ba ba hudusa ba ba isa kwa Manahathe), ₇mme e ne e le Naamane le Ahiya le Gera yo o neng a ba hudusa – ene a tsala Usa le Ahihute.

₈E rile Saharaime a sena go tlhala Hušime le Baara, basadi ba gagwe, a tsala bana kwa nageng ya Moabe ₉le Hotese mosadi wa gagwe; a tsala Jobabe le Sibja le Meša le Malekame ₁₀le Jeuse le Sageya le Mirema. Bao e ne e le bomorwawe, e le ditlhogo tsa dikgoro.

₁₁O ne a tsetse Abitube le Elephaale le Hušime, mosadi wa pele.

₁₂Bomorwa Elephaale e ne e le Ebere le Miseame le Semete. Ke ene yo o neng a aga Ono le Lote le metsana ya teng.

₁₃Beria le Sema bone e ne e le ditlhogo tsa dikgoro tsa baagi ba Ayalone; bone ba leleka baagi ba Gathe. ₁₄Mme Ayo le Sasake le Jeremothe ₁₅le Sebatya le Arate le Etere ₁₆le Migaele le Isepha le Joha e ne e le bomorwa Beria.

₁₇Mme Sebatya le Mesulame le Hisekhi le Hebere ₁₈le Isemarai le Isedia le Jobabe e ne e le bomorwa Elephaale.

₁₉Mme Jakime le Sigeri le Sabedi ₂₀le Elienai le Silethai le Eliele ₂₁le Ataya le Beraya le Simerathe e ne e le bomorwa Simei.

₂₂Mme Išephane le Ebere le Eliele ₂₃le Abetone le Sigeri le Hanane ₂₄le Hananya le Elame le Anathothia ₂₅le Efedia le Phenuele e ne e le bomorwa Sasake.

₂₆Mme Sameserai le Seharia le Athalea ₂₇le Jaaresia le Elia le Sigeri e ne e le bomorwa Jerohame.

₂₈Bao e ne e le ditlhogo tsa dikgoro, e le ditlhogo tsa ditshika tsa bone; bao ba ne ba agile kwa Jerusalema.

₂₉Mme kwa Gibeone go ne go agile Jehuele, rraagwe Gibeone; leina la mosadi wa gagwe e le Maaga. ₃₀Morwawe wa ntlha e ne e le Abetone, bomonnawe e le Sure le Khiše le Baale le Nere le Natabe ₃₁le Ketore le Ayo le Segere le Mikelothe. ₃₂Mme Mikelothe a tsala Šimea. Bao le bone ba ne ba agile le ba ga bone kwa Jerusalema, ba lebaganye le ba ga bone ba ba kwa Gibeone.

₃₃Mme Nere a tsala Abenere, Khiše a tsala Saule, Saule a tsala Jonathane le Malekhišua le Abinatabe le Esebaale. ₃₄Mme morwa Jonathane e ne e le Meribaale; Meribaale a tsala Miga.

₃₅Bomorwa Miga e ne e le Phithone le Melege le Tharea le Ahase. ₃₆Mme Ahase a tsala Joata; Joata a tsala Alemethe le Asemawethe le Simeri. Mme Simeri a tsala Mosa. ₃₇Mme Mosa a tsala Binea; morwawe e le Rafa, morwawe e le Eleasa, morwawe e le Asele.

₃₈Asele o ne a na le bomorwa ba le barataro, maina a bone e le Aserikame le Bogeru le Isemaele le Searia le Obatya le Hanane; botlhe bao e le bomorwa Asele. ₃₉Bomorwa Eseke, morwa-rraagwe, e ne e le Ulame morwawe wa ntlha, wa bobedi e le Jeuse, wa boraro e le Elifelete.

₄₀Bomorwa Ulame e ne e le banna ba bagale, bahudi ba mara; ba na le bana le bana ba bana ba bantsi, e bong ba le 150. Botlhe bao e ne e le Babenyamene.