TSHENOLO 15

₁Ka bona sesupo se sengwe mo legodimong, se segolo le se se gakgamatsang, e bong baengele ba supa, ba tshotse dipetso di supa tse e leng tsa bofelo, gonne bogale jwa Modimo bo fediwa ka tsone.

₂Ka bona e kete lewatle la segalase go tlhakanye le molelo; le ba ba fitlhang ba tswa go fenya sebatana le setshwantsho sa sone; le palo ya leina la sone, ba eme fa lewatleng leo la segalase, ba tshotse diharepa tsa Modimo. ₃Ba bo ba opela sefela sa ga Moše motlhanka wa Modimo, le sefela sa ga Kwana, ba re:

₅Morago ga dilo tse ka leba, mme tempele ya motlaagana wa tshupo mo legodimong ya bulwa. ₆Mo tempeleng ga tswa baengele ba supa, ba tshotse dipetso di supa, ba kgabisitswe ka majana a a tlhokegang, a mantle le a a phatsimang, ba iphapile mafatlha ka meiphapo ya gouta. ₇Mme sengwe sa ditshedi tse nne sa neela baengele ba supa megotšana ya gouta e supa, e tletse bogale jwa Modimo o o tshedileng ka bosakhutleng le ka bosaengkae. ₈Tempele ya tlala mosi o o tswang mo kgalalelong ya Modimo, le mo thateng ya one; mme ga bo go se ope yo o nonofileng go tsena mo tempeleng dipetso tsa baengele ba supa di ise di be di fele pele.