Sefela sa kgalaletso
1A ko lo tleng re opeleleng
Jehofa;
a re tsheleleng lefika la poloko
ya rona lešoa la boitumelo.
2A re ke re tleng fa pele ga
sefatlhogo sa gagwe ka tebogo;
a re mo tsheleleng
lešoa la boitumelo ka dipesalema.
3Gonne Jehofa ke Modimo
o Mogolo, le Kgosi e kgolo
godimo ga medimo yotlhe.
4Mo seatleng sa gagwe go mafelo
a a boteng a lefatshe;
ditlhora tsa dithaba, le tsone,
ke tsa gagwe.
5Lewatle ke la gagwe, o le dirile;
diatla tsa gagwe
di bopile lefatshe la komelelo.
6A ko lo tleng, re obame, re iname;
a re khubameng fa pele ga Jehofa
mmopi wa rona:
7gonne ke ene Modimo wa rona,
mme rona re batho ba bofulo jwa
one, le dinku tsa seatla sa one.
A bo gompieno
lo ka ka lwa utlwa lentswe la one!
8Se thatafatseng pelo tsa lona,
jaaka kwa Meriba,
jaaka mo tsatsing la Masa
kwa nageng,
9jale ka borraeno ba nteka,
ba ntlhotlhomisa,
mme ba bona tiro ya me.
10Ka hutsafadiwa ke losika loo
ka lobaka lwa dinyaga
di le masome mane, ka ba ka re:
“A bo e le batho
ba ba timelang mo pelong ya bone,
mme ga ba a ka ba itse
ditsela tsa me.”
11Mme ke gone ka mo ka ikana
mo kgalefong ya me, ka re:
“Ga ba ketla ba tsena
mo boikhutsong jwa me.”
