Pesalema 113

₁Bakang Jehofa.

Bakang lona batlhanka ba ga

Jehofa, bakang leina la gagwe.

₂A go bakwe leina la ga Jehofa,

go tloga fano gompieno

go ya bosakhutleng.

₃Go tswa botlhabatsatsi,

go ya bophirimong jwa lone,

leina la ga Jehofa

le na le go bakwa fela.

₄Jehofa o godimodimo,

godimo ga merafe yotlhe,

kgalalelo ya gagwe

godimo ga magodimo.

₅E mang yo o tshwanang

le Jehofa Modimo wa rona,

yo setulo sa gagwe

se kwa godimong?

₆Yo o ikokobetsang gore a bone

dilo tse di kwa legodimong

le mo lefatsheng.

₇O kakatlolola mohumanegi mo

loroleng, a tsholetse motlhoki

a mo tlose mo thotobolong;

₈gore a tle a mmeye

mo dikgosaneng,

e bong mo dikgosaneng

tsa batho ba gagwe.

₉O dira gore mosadi yo o moopa

a nne le motse,

le go nna mma bana yo o itumelang.

Bakang Jehofa.