Pesalema 100

₁Tshelelang Jehofa lošoa

la boitumelo,

lona mafatshe otlhe.

₂Direlang Jehofa ka boipelo;

tlang fa pele ga sefatlhogo sa gagwe

ka go opela.

₃Itseng fa Jehofa e le ene Modimo,

ke ene yo o re dirileng,

mme re ba gagwe;

re batho ba gagwe,

le dinku tsa bohulo jwa gagwe.

₄Tsenang mo dikgorong tsa gagwe

ka go ntsha tebogo,

le mo malwapeng a gagwe ka pako;

mo ntshetseng malebogo,

mme lo bake leina la gagwe.

₅Gonne Jehofa o molemo;

boutlwelobotlhoko jwa gagwe

bo eme ka bosakhutleng;

le boikanngo jwa gagwe

mo ditshikatshikeng tsotlhe.