LUKE 11

₁Ga dirala, ya re a rapela felong gongwe, ya re a khutla, mongwe wa barutwa ba gagwe a mo raya a re: “Morena, re rute go rapela, jaaka Johane le ene a ne a ruta barutwa ba gagwe.”

₂A ba raya a re: “E re fa lo rapela lo re:

₅A ba raya a re: “Ke ofe wa lona yo o ka reng a na le tsala, mme a ya kwa go ene gare ga bosigo, a mo raya a re: ‘Tsala, nkadima dinkgwe di le tharo; ₆gonne tsala ya me e nkgorogetse, e tswa loetong, mme ga ke na sepe se nka se mo fang;’ ₇mme yole yo o kwa teng a ka mo fetola a re: ‘Se ntshwenye; go setse go tswetswe, le bana ba me ke na nabo mo bolaong; ga nka ke ka tsoga ka go naya?’ ₈Ke a lo raya, le fa a gana go tsoga a mo naya, ka gobo e le tsala ya gagwe, le fa go ntse jalo, ka ntlha ya kemelelo ya gagwe o tlaa tsoga a mo naya ka fa o tlhokang ka teng.

₁₀“Gonne mongwe le mongwe yo o lopang, o a amogela; le yo o batlang o a bona; le yo o kgwanyakgwanyang o tlaa bulelwa. ₁₁Ke ofe wa lona yo o ka reng e le rrabana, mme fa morwawe a mo lopa senkgwe, o ka mo naya lentswe? Kgotsa fa a lopa tlhapi, o ka mo naya noga mo boemong jwa tlhapi? ₁₂Gongwe fa a lopa letsae a o ka mo naya phepheng? ₁₃Ke gone, fa lona lo le bosula, lo itse go naya bana ba lona dineo tse di molemo; bogolo jang Rraeno wa legodimo o tlaa naya ba ba mo lopang Mowa o o Boitshepo.”

₁₄Ya re motlha mongwe a bo a kgoromeletsa ntle mewa e e bosula, mme ya bo e le e e dimumu. Ga dirala ya re mowa o o maswe o sena go tswa, motho yo o semumu a bua; mme batho ba gakgamala. ₁₅Bangwe ba bone ba re: “O kgoromeletsa mewa e e maswe ntle ka Beelesebube kgosana ya mewa e e maswe.”

₁₆Ba bangwe ba mo raela, ba batla mo go ene sesupo se se tswang legodimong. ₁₇Mme ene, ka a itse megopolo ya bone, a ba raya a re: “Bogosi bongwe le bongwe jo bo ikgaogantseng bo a swafala; le lolwapa lo lo ikgaoganyang lo a thubega. ₁₈E ka re fa Satane le ene a ikgaogantse, bogosi jwa gagwe bo tlaa ema jang? Gonne lo re: Ke kgoromeletsa mewa e e maswe ntle ka Beelesebube. ₁₉Mme fa ke kgoromeletsa mewa e e maswe ntle ka Beelesebube, bomorwaa lona bone ba ba kgoromeletsa ntle ka mang? Ke gone bone ba tlaa nnang baatlhodi ba lona. ₂₀Fa ke kgoromeletsa mewa e e maswe ntle ka monwana wa Modimo, e tlaa bo jalo bogosi jwa Modimo bo tsile mo go lona.

₂₁“E a re fa motho yo o thata, yo o tlhometseng dibolao, a disitse lolwapa lwa gagwe, dilo tsa gagwe di nna ka kagiso. ₂₂Mme e tlaa re fa mongwe yo o thata bogolo go ene a mo tlhasela, a mo fenya, o tlaa mo tseela dibolao tsotlhe tsa gagwe tse o di ikantseng, a ba a aba dithoto tsa gagwe tse di gapilweng.

₂₃“Yo o sa emang le nna, o tlhabana le nna; le ene yo o sa phutheng le nna o a falatsa.

₂₄“Mowa o o maswe o a re o dule mo mothong, o tlo o ye o ralale dikaka o batla boikhutso; mme o re o sa bone bope, o itheye o re: ‘Ke tlaa boela kwa ntlong ya me e ke duleng mo go yone.’ ₂₅O re o fitlha, o fitlhele e feetswe, e baakantswe. ₂₆Foo o ye o tseye mewa e sele e supa, e e bosula bogolo go one; mme e tsene e age teng; mme bokhutlo jwa motho yo, bo bife bogolo go ga ntlha.”

₂₇Ga dirala ya re a sa ntse a bua dilo tse, mosadi mongwe mo bontsing, a tsholetsa lentswe la gagwe, a mo raya a re: “Go sego sebopelo se se go belegeng le mabele a o a amuleng.”

₂₈Mme ene a re: “Ee, mme bogolo go sego ba ba utlwang lefoko la Modimo, ba le boloka.”

₂₉E rile matshutitshuti a batho a phuthegela kwa go ene, a simolola go re: “Losika lo, ke losika lo lo bosula; lo batla sesupo; mme ga lo ketla lo newa sesupo, fa e se sesupo sa moperofeti Jona. ₃₀Gonne jaaka Jona a kile a ne a le sesupo mo go Baninefe, Morwa Motho le ene o tlaa nna jalo mo losikeng lo. ₃₁Mohumagadi, kgosi ya Borwa, o tlaa ema mo tshekong le banna ba losika lo, mme o tlaa ba sekisa; gonne ene o kile a tswa dikhutlong tsa lefatshe, a tla go utlwa botlhale jwa ga Solomone; mme bonang, yo mogolo go feta Solomone o fa. ₃₂Banna ba Ninefe ba tlaa ema mo tshekong le losika lo, mme ba tlaa lo sekisa; gonne ba ne ba ikwatlhaya ka thero ya ga Jona; mme bonang, yo mogolo go feta Jona o fa.

₃₃“Ga go ope yo o ka reng fa a tshubile lobone, a lo beye mo go fitlhegileng, le fa e le kwa tlase ga seelo sa mabele, fa e se mo setlhomong fela gore ba ba tsenang ba bone lesedi. ₃₄Lobone lwa mmele wa gago ke leitlho; ke gone fa leitlho la gago le bona sentle, mmele otlhe wa gago o a bo o tletse lesedi; mme fa le le bosula, mmele wa gago le one o tletse lefifi. ₃₅Ke gone o ipone, e se re kgotsa lesedi le le mo go wena ya bo e le lefifi. ₃₆Ke gone ya re mmele wa gago otlhe o tletse lesedi, go se na gope fa go leng lefifi, o tlaa bonesega otlhe fela; fela jaaka go tuka sentle ga lobone go tle go go neye lesedi.”

₃₇Jaana ya re a sa ntse a bua, Mofarisai mongwe a mo lopa gore a ye go ja nae motshegare; mme a tsena, a dula a ja. ₃₈Ya re Mofarisai a go bona, a gakgamala ka a se ka a tlhapa diatla pele go ise go jewe. ₃₉Morena a mo raya a re: “Aitse jaana lona Bafarisai lo a tle lo tlhatswe bokafantle jwa senwelo le mogotšana, mme bokafateng jwa lona bo tletse bogagapa le bosula fela. ₄₀Dieleele ke lona, yo o dirileng bokafantle, a ga a a dira bokafateng le jone? ₄₁Le fa go ntse jalo, atswang bahumanegi ka dilo tse di mo teng; mme bonang, dilo tsotlhe di tlaa bo di lo ntlafaletse.

₄₂“Go a bo go latlhega lona Bafarisai! Ka gobo lo ntsha sa bosome sa mosukujwane, le sa rue, le sa merogo yotlhe lekgetho; mme lo tlhokomologa tshiamiso le lorato lwa Modimo; tseno, lo ne lo tshwanetse go di dira, le tse dingwe lo sa di tlogele di sa dirwa.

₄₃“Go latlhega lona Bafarisai! gonne lo rata ditulo tse di kwa pelepele mo matlong a thuto, le ditumediso mo marekelong. ₄₄Go latlhega lona bakwadi le Bafarisai, baitimokanyi! Gonne lo tshwana jaaka diphupu tse di sa bonaleng, mme batho ba tsamaya fa godimo ga tsone ba sa itse.”

₄₅Ga fetola mongwe wa ba molao, a mo raya a re: “Moruti, fa o bua jaana le rona, o a re kgoba.”

₄₆A re: “Le lona, go latlhega lona ba molao, gonne lo belesa batho merwalo e e botlhokotlhoko go rwalwa; mme lona ka losi lo gana go ama merwalo eo le fa e le ka monwana mongwe wa lona. ₄₇A bo go latlhega lona! Ka lo aga difikantswe tsa baperofeti, mme ke borraeno ba ba ba bolaileng. ₄₈Jalo lo supa fa lo dumalana le ditiro tsa borraeno; gonne ruri ba ba bolaile, mme lona lo aga difikantswe tsa bone. ₄₉Ke gone go buileng le jone botlhale jwa Modimo jwa re: ‘Ke tlaa roma baperofeti le baaposetole kwa go bone; mme bangwe ba bone ba tlaa ba bolaya, ba ba bogisa;’ ₅₀gore madi a baperofeti botlhe, a a tsholotsweng e sa le ka motheo wa lefatshe, a lopiwe mo losikeng lo; ₅₁go simolola ka madi a ga Abele, go tla go fitlha mo mading a ga Sakaria, yo o swetseng fa gare ga sebeso le tempele; ee, ke a lo raya, a tlaa lopiwa mo losikeng lo.

₅₂“Go latlhega lona ba molao, ka lo tlositse sekopololo sa kitso; lona ka losi ga lo a ka lwa tsena, le ba ba rileng ba a tsena, lo ba kgoreleditse.”

₅₃E rile a sena go tswa teng, bakwadi le Bafarisai ba simolola go mo tlhotlheletsa ka thata, le go leka go mo gakatsa, gore a bue ka ga dilo di le dintsi; ₅₄ba mo lalela, ba batla go tshwara sengwe se se ka tswang mo molomong wa gagwe.