JOŠUA 19

₁Kabelo ya taolelo ya bobedi ya tswela Simeone, e bong lotso lwa bana ba ga Simeone ka fa ditshikeng tsa bone; boswa jwa bone jwa nna fa gare ga boswa jwa bana ba ga Juta. ₂Boswa jwa bone ya nna Beerešeba, le fa e le Sheba le Molata; ₃le Hasare-šuale, Bala le Esema; ₄le Eletolate, Bethule le Horema; ₅le Sikelage, Bethe-marekabothe le Hasare-susa; ₆le Bethe-lebaothe le Sharuhene; metse e le 13, le metsana ya yone.

₇Aine, Rimone, Ethere le Ašane; metse e le mene, le metsana ya yone; ₈le metsana yotlhe e e mo tikologong ya metse eo go ya Baalathe-beere, Rama wa Borwa. Ke jone boswa jwa lotso lwa bana ba ga Simeone ka fa ditshikeng tsa bone. ₉Boswa jwa bana ba ga Simeone jwa ntshiwa mo molelwaneng wa bana ba ga Juta; gonne kabelo ya bana ba ga Juta e ba feta ka botona; ke gone ka moo bana ba ga Simeone ba bona boswa mo gare ga boswa jwa bone.

₁₀Kabelo ya taolelo ya boraro ya tswela bana ba ga Sebulone ka fa ditshikeng tsa bone; molelwane wa boswa jwa bone wa ya kwa Sarite. ₁₁Molelwane wa bone wa tlhatlogela ntlheng ya bophirimatsatsi, e bong kwa Marala, wa fitlha kwa Dabešethe; wa ba wa fitlha kwa molatswaneng o o lebaganyeng le Jokeneame. ₁₂Kwa Sarite wa menogela kwa botlhabatsatsi kwa letsatsi le tlhabang, le kwa molelwaneng wa Kiselothe-tabore; wa kgabaganyetsa kwa Deberathe, wa tlhatlogela kwa Jafia; ₁₃wa tswa foo wa kgabaganyetsa ntlheng ya botlhabatsatsi kwa Gathe-hefere kwa Ethekasine; wa khutla kwa Rimone o o namalaletseng kwa Nea. ₁₄Molelwane wa potologa ntlheng ya botsheka wa ya Hanathone; mafelelo a one a nna mo molapong wa Ifetahele; ₁₅le Katathe, Nahalale, Shimerone, Itala le Bethelehema; metse e le 12, le metsana ya yone. ₁₆Ke jone boswa jwa bana ba ga Sebulone ka fa ditshikeng tsa bone, metse eo le metsana ya yone.

₁₇Kabelo ya taolelo ya bone ya tswela Isakare, e bong bana ba ga Isakare ka fa ditshikeng tsa bone. ₁₈Molelwane wa bone wa fitlha kwa Jesereele, le Kesulothe le Shuneme; ₁₉le Hafaraime, Shione le Anaharathe; ₂₀le Rabithe, le Kišione le Ebese; ₂₁le Remethe, Eneganime, Enehata le Bethepasese. ₂₂Molelwane wa ya go fitlha kwa Tabore, Shahasuma le Bethešemeše; mafelelo a molelwane wa bone a nna a mo Joretane: metse e le 16, le metsana ya yone. ₂₃Ke jone boswa jwa lotso lwa bana ba ga Isakare ka fa ditshikeng tsa bone, metse le metsana ya yone.

₂₄Kabelo ya taolelo ya botlhano ya tswela lotso lwa bana ba ga Ašere ka fa ditshikeng tsa bone. ₂₅Molelwane wa bone e ne e le Helekathe, Hali, Betene, le Akešafe; ₂₆le Alameleke, Amate, le Mišale; wa fitlha kwa Karemele ntlheng ya bophirimatsatsi le kwa Shihore-libenathe; ₂₇wa menogela kwa botlhabong jwa letsatsi kwa Bethetagone, wa fitlha kwa Sebulone le molapo wa Ifetahele ntlheng ya botsheka, kwa Bethemeke le Neiele; wa kgabaganyetsa kwa Kabule ntlheng ya letsogotlho, ₂₈le Eberone, le Rehobe, le Hamone, le Kana, go fitlha fela kwa Sitone o mogolo. ₂₉Molelwane wa menogela kwa Rama, le kwa motseng o o thekeleditsweng wa Ture; molelwane wa menogela kwa Hosa; mafelelo a one a nna mo lewatleng fa sebakeng sa Akesibe; ₃₀le Uma, le Afeke le Rehobe; metse e le 22, ka metsana ya yone. ₃₁Ke jone boswa jwa lotso lwa bana ba ga Ašere, ka fa ditshikeng tsa bone, metse eo ka metsana ya yone.

₃₂Kabelo ya taolelo ya borataro ya tswela bana ba ga Nafetali, e bong bana ba ga Nafetali ka ga ditshikeng tsa bone. ₃₃Molelwane wa bone wa simologa mo Helefe, o tswa mo mookeng wa Saanenime, le Ataminekebe, le Jabeneele go ya kwa Lakume; mme mafelelo a one a nna mo Joretane. ₃₄Molelwane wa menogela ntlheng ya bophirimatsatsi go ya kwa Asenothe-tabore, wa kgabaganyetsa kwa Hukoke; wa fitlha kwa Sebulone ntlheng ya borwa, wa fitlha kwa go Ašere ntlheng ya bophirimatsatsi, le kwa Juta fa Joretane ntlheng ya botlhabatsatsi. ₃₅Metse e e thekeleditsweng e ne e le Sidime, Sere, le Hamathe, Rakathe, le Kinerete; ₃₆le Atama, le Rama le Hasore; ₃₇le Keteše, Eterei le Enehasore; ₃₈le Irone, Migetalele, Horeme, le Bethanathe le Bethešemeše; metse e le 19, ka metsana ya yone. ₃₉Ke jone boswa jwa lotso lwa bana ba ga Nafetali ka fa ditshikeng tsa bone, metse eo ka metsana ya yone.

₄₀Kabelo ya taolelo ya bosupa ya tswela lotso lwa bana ba ga Dane, ka fa ditshikeng tsa bone. ₄₁Molelwane wa boswa jwa bone e ne e le Sora, le Ešetaole, le Ire-šemeše; ₄₂le Shaalabine, le Aijalone le Ithela; ₄₃le Elone, le Timena le Ekerone; ₄₄le Eleteke, le Gibethone le Baalathe; ₄₅le Jehute, le Beneberake le Gatherimone; ₄₆le Mejarekone, le Rakone, mmogo le molelwane o o lebaganyeng le Jopa. ₄₇Molelwane wa bana ba ga Dane wa feta wa tswela kwa ntle ga bone; gonne bana ba ga Dane ba ne ba tlhatloga ba ya go tlhasela Lešeme, ba o thopa, ba o kgemetha ka bojetla jwa tšhaka, mme ba go rua ba aga gone, ba raya Lešeme leina, ba re, Dane, jaaka leina la ga Dane rraabo. ₄₈Ke jone boswa jwa lotso lwa bana ba ga Dane, ka fa ditshikeng tsa bone, metse eo ka metsana ya yone.

₄₉Ba swetsa go kgaoganya lefatshe boswa ka melelwane ya lone; bana ba Iseraele ba naya Jošua morwa Nune boswa mo gare ga bone. ₅₀Ba mo naya motse o o ne a o lopile, e bong Timenathesera mo lefatsheng la makgabana la Eferaime ka fa taolong ya ga Jehofa; mme a aga one motse, a nna mo go one.

₅₁Ke one maswa a ga Eleasare moperesiti, le Jošua morwa Nune, le ditlhogo tsa makgotla a borra batho ba ditso tsa bana ba Iseraele, ba ne ba a kgaoganya boswa ka taolo ya bola mo Shilo fa pele ga Jehofa, fa mojakong wa mogope wa bophuthegelo. Mme ba swetsa go kgaoganya lefatshe.