JOŠUA 12

₁Jaana dikgosi tsa lefatshe ke tse, tse bana ba Iseraele ba di kgemethileng, ba rua lefatshe la tsone kwa moseja ga Joretane go isa ntheng ya botlhabatsatsi, go tswa molapong wa Arenone go ya thabeng ya Heremone, le Areba otlhe fela go isa ntlheng ya botlhabatsatsi: ₂Sihone kgosi ya Baamore yo o ne a agile mo Hešebone, a busa go tswa Aroere, o o fa ntlheng ya molapo wa Arenone, le motse o o fa gare ga molapo, le bontlhanngwe jwa Gileate, go ya fela kwa nokeng ya Jaboke, molelwane wa bana ba Amone; ₃le one Areba go ya lewatleng la Kinerothe, ntlheng ya botlhabatsatsi, le kwa lewatleng la Areba, e bong Lewatle la Letswai, ntlheng ya botlhabatsatis, tsela e e yang kwa Bethe-ješimothe; le ntlheng ya borwa fa tlase ga meripo ya Pisega.

₄Le molelwane wa ga Oge kgosi ya Bašane, yo e neng e le lesalela la Barefaime, yo o ne a agile mo Ašetarothe le mo Eterei. ₅A ba a busa mo thabeng ya Heremone, le mo Saleka, le mo Bašane otlhe, go ya molelwaneng wa Bagešure, le Bamaaka, le bontlhanngwe jwa Gileate, le molelwane wa ga Sihone kgosi ya Hešebone.

₆Moše motlhanka wa ga Jehofa le bana ba Iseraele, ba ba kgemetha; mme Moše motlhanka wa ga Jehofa a naya Barubene, le Bagate, le bonthanngwe jwa lotso lwa ga Manase, lefatshe leo go le rua.

₇Tse ke tsone dikgosi tsa lefatshe tse Jošua le bana ba Iseraele ba di kgemethileng moseja ga Joretane, ntlheng ya bophirimatsatsi, go tswa Baalagate mo molapong wa Lebanone go ya fela kwa thabeng ya Halake, e e isang kwa Seire; Jošua a le naya ditso tsa Iseraele go le rua ka fa dikgaoganong tsa tsone; ₈mo lefatsheng la makgabana le le le mo sekhuting, le mo go one Areba, le mo meripong, le mo nageng, le mo ntlheng ya Borwa; Bahite, Baamore, Bakanana, Baperise, Bahife le Bajebuse. ₉Kgosi ya Jeriko e le nngwe fela; kgosi ya Ai, o o fa Bethele, e le nngwe fela; ₁₀kgosi ya Jerusalema e le nngwe fela; kgosi ya Heberone e le nngwe fela; ₁₁kgosi ya Jaremuthe e le nngwe fela; kgosi ya Lakiše e le nngwe fela; ₁₂kgosi ya Egelone e le nngwe fela; kgosi ya Gesere e le nngwe fela; ₁₃kgosi ya Debire e le nngwe fela; kgosi ya Getere e le nngwe fela; ₁₄kgosi ya Horema e le nngwe fela; kgosi ya Arate e le nngwe fela; ₁₅kgosi ya Adulame e le nngwe fela; ₁₆kgosi ya Maketa e le nngwe fela; kgosi ya Bethele e le nngwe fela; ₁₇kgosi ya Tapua e le nngwe fela; kgosi ya Hefere e le nngwe fela; ₁₈kgosi ya Afeke e le nngwe fela; kgosi ya Sharone e le nngwe fela; ₁₉kgosi ya Matone e le nngwe fela; kgosi ya Hasore e le nngwe fela; ₂₀kgosi ya Shimerone-merone e le nngwe fela; kgosi ya Akešafe e le nngwe fela; ₂₁kgosi ya Taanake e le nngwe fela; kgosi ya Megito e le nngwe fela; ₂₂kgosi ya Keteše e le nngwe fela; kgosi ya Jokeneame mo Karemele e le nngwe fela; ₂₃kgosi ya Dore mo thoteng ya Dore e le nngwe fela; kgosi ya Goiime mo Gilegale e le nngwe fela; ₂₄kgosi ya Tiresa e le nngwe fela; dikgosi tsotlhe di le 31.