JOBE 6

₂“A bo go tshwenyega ga me

go ka bo go lekantswe bokete,

le tshenyegelo ya me ya bewa

mmogo mo selekanyong sa pego.

₃Gonne jaana

go ka bo go le bokete bogolo

go mošawa wa mawatle;

ke gone ka moo mafoko a me

a ntseng a phomesegela fela.

₄Gonne metswi ya Mothatayotlhe

e mo teng ga me,

e botlhoko jwa yone mowa wa me

o bo nwelang ruri;

ditheregiso tsa Modimo

di a inthulaganyetsa.

₅A esela ya naga e tle e lele

fa e na le bojang,

kgotsa a kgomo e tle e lele e e ja?

₆A selo se se senang moutlwalo

se ka jewa se sena letswai?

Kgotsa, a go na le moutlwalo

mo khwaaneng ya letsae?

₇Mowa wa me o gana go ama

dilo tseo;

mo go nna di tshwana jaaka

dijo tse di ferosang sebete.

₈“A bo ke ka bo ke bona topo ya me;

le gore Modimo o ka ka wa nnaya

se ke se eletsang.

₉Ke raya gore,

go ka kgatlha Modimo

go mphatlakanya fela;

e leng gore o ikgolole letsogo,

mme o nkgaolele koo!

₁₀Foo nka bo ke sa ntse

ke na le kgomotsego;

ee, nka bo ke kgana ka botlhoko

jo bo sa rekegeleng;

gonne ga ke a itatola mafoko

a Moitshepi.

₁₁Thata ya me ke eng,

fa e ka bo ne ne fano ke ka lebelela?

Le bokhutlo jwa me ke eng

fa nka itshoka?

₁₂A thata ya me ke thata ya maje,

kgotsa a nama ya me ke kgotlho?

₁₃A ga se go re

ga ke na thuso mo go nna,

le go re go dira mo go thusang

go leleketswe ruri mo go nna?

₁₄Yo o gaufi le go idibala

o tshwanetse go bona bopelonomi

mo tsaleng ya gagwe;

ee, le ene yo o latlhang

poifo ya Mothatayotlhe.

₁₅Bana ba ga rre ba dirile ka tsietso

jaaka molatswana,

jaaka meedi ya melatswana

e e fetelang koo fela;

₁₆e e leng mentsho

ka ntlha ya metsi a a gatsetseng,

le e kapoko

e iphitlhang mo go yone.

₁₇Mme mogang go thuthafalang

e nyelele;

fa go gotetse e fele,

e tloge mo felong ga yone.

₁₈Masomo a baeti ba ba reng ba eta

ka tsela ya yone a fapoge,

ba tlhatlogele kwa go kgadileng,

mme ba swe.

₁₉Masomo a baeti ba Tema a batla,

masomo a Sheba a lebelela

mo go yone.

₂₀Ba tlhajwa ke ditlhong

ka ntlha ya gonne

ba ne ba solofetse;

ba fitlha gone,

mme ba sosobaganngwa.

₂₁Gonne gompieno ga lo sepe;

lo bona therego,

mme lo a boifa.

₂₂A ke rile: ‘Nnayang,’

Kgotsa: ‘Lo mpeele pele mpho

ya thoto tsa lona?’

₂₃Kgotsa, a ke rile: ‘Lo nkgolole

mo seatleng sa moganetse’

kgotsa: ‘Lo nthekolole

mo seatleng sa bapatiki?’

₂₄“Nthutang, mme ke tlaa didimala;

ntlhaloganyetseng

fa ke timetseng gone.

₂₅Mafoko a thokgamo a nonofile

jang!

Mme go ganela ga lona

go a bo go kgalemela eng?

₂₆A lo tlhatlhanya go kgalemela

mafoko fela?

Ka mantswe a motho yo o gaketseng

a ntse jaaka phefo fela.

₂₇Ee, lo rata lo ka bo lo thelela

masiela bola,

le go ntsha tsala ya lona

tlhwatlhwa fela.

₂₈“Jaana tswee,

a lo ke lo ntebe;

gonne ruri ga nketla ke aka

fa pele ga lona.

₂₉Ke a lo rapela, a ko lo boeng,

a go se nne tshiamololo,

ee, bang lo boe,

mafoko a me a tsheko a siame.

₃₀A go na le tshiamololo

mo lolemeng lwa me?

A magalapa a me

ga a kake a lemoga

dilo tse di bosula?”