ISAIA 49

₁Ntheetsang, lona ditlhake;

lo reetse, lona ditšhaba

lo le kgakala;

Jehofa o mpiditse

ke sa le ke tswa sebopelong;

ke sa le ke tswa mo maleng a ga mme

o ntse a umaka leina la me.

₂O dirile molomo wa me

go nna jaaka tšhaka e e bogale;

o mphitlhile mo moriting

wa seatla sa gagwe;

o ntirile motswi o o gotlhegileng,

o mpolokile thata mo mokotlopong

wa gagwe.

₃A nthaya a re: “O motlhanka

wa me; o Iseraele,

yo ke tlaa galalediwang mo go wena.”

₄Mme nna ka re: “Ke diretse lefela,

ke feditse thata ya me ka bosengsepe

le ka boithamako fela;

le fa go ntse jalo ruri

go siamisiwa ga me go tlaa bo go le

mo go Jehofa, le tuelo ya me

mo Modimong wa me.”

₅Jaana, go bua Jehofa,

yo o mpopetseng

go nna motlhanka wa gagwe

ke sa le ke tswa sebopelong,

go tlaa ke busetsa Jakobe

kwa go ene,

le gore Iseraele a

phuthelwe kwa go ene;

(gonne aitse nna, ke tlotlego mo

matlhong a ga Jehofa,

Modimo wa me o diregile thata ya me).

₆Ee, a re: “Ke selo se se motlhofo

bobe fa o ka nna

motlhanka wa me gosi,

go tsosa ditso tsa ga Jakobe,

le go busa ba ba neng ba bolokilwe

ba Iseraele;

le gone ke tlaa go ntsha

gore o nne lesedi la merafe,

gore o tle o nne poloka ya me

kwa sekhutlong sa lefatshe.”

₇Go bua jaana Jehofa,

morekolodi wa Iseraele,

le Moitshepi wa gagwe,

o raya ene yo motho o mo nyatsang,

ene yo o fedisang morafe pelo,

le motlhanka wa balaodi,

a re: “Dikgosi di tlaa bona

di ba di nanoga;

dikgosana di tlaa obama;

ka ntlha ya ga Jehofa

yo o boikanngo,

e bong Moitshepi wa Iseraele

yo o go itshenketseng.”

“Ke go arabile mo lobakeng

lo lo lebosegang

le mo letsatsing le e leng la poloko

ke go thusitse;

mme ke tlaa go dibela,

ke go ntsha gore o nne kgolagano

ya batho go rudisa lefatshe,

le go ba jesa maswa a a swafetseng;

₉go raya bagolegwi, go re:

‘Tswang;’ go raya ba ba mo lefifing

go re: ‘Iponatseng.’

Ba tlaa fula mo ditseleng,

mme bofulo jwa bone bo tlaa nna

mo dithoteng tse di leforotlho.

₁₀Ga ba ketla ba bolawa ke tlala,

le fa e le ke lenyora;

le mogote ga o ketla o ba tlhapela

le fa e le letsatsi; gonne ene

yo o ba utlwelang botlhoko

o tlaa ba goga,

le ka fa go e e leng metswedi

ya metsi

o tlaa ba etelela pele.

₁₁“Dithaba tsa me tsotlhe

ke tlaa di dira tsela,

le ditsela tsa me tsa meheru

di tlaa goletsega.

₁₂Bonang, ba, ba tlaa tswa kgakala;

mme bonang ba, ba tlaa tswa

botsheka le kwa bophirimatsatsi;

le ba, ba tlaa tswa lefatsheng la

Sinime.”

₁₃Opelang, lona magodimo;

o ipele wena lefatshe;

ponyegang mo kopelong,

lona dithaba; gonne Jehofa

o gomoditse batho ba gagwe;

mme o tlaa tlhomogela babogisiwa

ba gagwe pelo.

₁₄Sione ene a re: “Jehofa o ntlhadile,

Morena o ntebetse.”

₁₅“A mosadi o ka lebala losea lwa

gagwe lo lo anyang, gore

a tle a se ka a tlhomogela ngwana

wa sebopelo sa gagwe pelo?

Ee, bao ba ka tla ba lebala,

mme wena, le fa go ntse jalo

ga nketla ke go lebala.

₁₆Bona ke go setile ka fa teng

ga diatla tsa me;

dithako tsa gago di ntse

fa pele ga me ka gale le ka gale.

₁₇Bana ba gago ba a akofa;

basenyi ba gago ba ba go

kgakgabaditseng

ba tswa mo go wena.

₁₈Tsholetsa matlho a gago o lebalebe,

o bone; bao, botlhe, ba a phuthega,

ba tla mo go wena.

Jaaka ke tshedile, go bua Jehofa,

o tlaa ikapesa ka bone botlhe

jaaka ka mokgabo,

o ikgoma ka bone

jaaka monyadwi.

₁₉“Gonne, ka ga mafelo a a

kgakgabetseng a gago,

le a a swafetseng,

le lefatshe la gago le le sentsweng,

ruri jaanong,

banni ba tlaa pitlagana bobe,

mme ba ba kileng ba go kometsa

ba tlaa nna kwa kgakala.

₂₀Bana ba tatlhegelo ya gago

ba tlaa nama ba bua mo ditsebeng

tsa gago,

ba re: ‘Ke pitlaganye mo felong fa,

nkatogela, gore ke nne.’

₂₁Foo o tlaa ithaya mo pelong, o re:

‘Ana emang yo o ntsaletseng

bone ba, etswa

ke ne ke latlhegetswe ke bana ba me,

ke le mokojwi, ke le mofaladi,

ke kailakaila fela?

Emang yo o otlileng bone ba?

Bona, ke ne ke tlogetswe ke le nosi;

bone ba, ba ne ba le kae?’ ”

₂₂Go bua jaana Morena Modimo, a re:

“Bonang ke tlaa tsholeletsa merafe

seatla sa me,

ke tlhomela ditšhaba mokgele wa

me, mme ba tlaa tlisa

bomorwao mo difubeng tsa bone,

le bomorwadio ba tlaa sikarwa

mo maruding a bone.

₂₃Dikgosi di tlaa nna borraago

ba ba go otlang,

le bahumagadi ba tsone

bommaago ba ba go otlang;

di tlaa go ikobela di isa

difatlhogo tsa tsone mo mmung,

di latswa lorole lwa dinao tsa gago;

mme o tlaa itse fa ke le Jehofa,

le go re ba ba ntebelelang

ga ba ketla ba tlhajwa

ke ditlhong.”

₂₄A thopo e tlaa tseelwa diganka,

kgotsa ba ba golegilweng ka fa

tshwanong a ba tlaa gololwa?

₂₅Go bua jaana Jehofa, a re:

“Le ba e leng bagolegwi ba diganka

ba tlaa tsewa,

le se se gapilweng ke ba ba

boitshegang se tlaa gololwa;

gonne ke tlaa ganela le ene

yo o ganelang nao,

mme ke tlaa boloka bana ba gago.

₂₆Ba ba go patikang

ke tlaa ba jesa nama ya bone;

ba tlaa tagwa ke madi a bone,

jaaka ka bojalwa jo bo botshe;

mme nama yotlhe e tlaa itse go re

Nna Jehofa ke mmoloki wa gago

le morekolodi wa gago,

Mothata wa ga Jakobe.”