Dikokomane tsa ga Esau
1Jaana tse ke tsone ditshika tsa ga Esau, ke ene Etome: 2Esau a tsaya bomorwadia lefatshe la Kanana go nna basadi ba gagwe; Ata morwadia Elone wa Mohite, le Oholibama morwadia Ana, morwadia Sibeone wa Mohife; 3le Basemathe morwadia Išemaele, kgaitsadia Nebaiothe. 4Ata a bona le Esau Elifase; Basemathe a bona Reuele; 5Oholibama a bona Jeuše, le Jalame, le Kora; ba, ke bomorwa Esau, ba o ba tsetseng mo lefatsheng la Kanana.
6Esau a tsaya basadi ba gagwe le bomorwawe le bomorwadie, le batho botlhe ba motse wa gagwe le dikgomo tsa gagwe, le dilo tsotlhe tsa gagwe tse di utlwang le dithuo tsotlhe tsa gagwe tse o neng a di phuthile mo lefatsheng la Kanana; mme a ya kwa lefatsheng le le katoganyeng le Jakobe monnawe. 7Gonne dilo tsa bone di ne di le dikgolo thata, go ne go retetse fa ba ka nna mmogo; mme lefatshe la majako a bone le ne le sa kake la ba tshola ka ntlha ya dikgomo tsa bone. 8Esau a aga mo thabeng ya Seire; Esau ke ene Etome.
9Mme tse, ke tsone ditshika tsa ga Esau rraabo Baetome ba thaba ya Seire. 10A ke one maina a bomorwa Esau: Elifase morwa Ata mosadi wa ga Esau, Reuele morwa Basemathe mosadi wa ga Esau. 11Bomorwa Elifase e ne e le Temane, Omare, Sefo, Gatame, le Kenase. 12Timena e ne e le mogadingwana wa ga Elifase morwa Esau; mme a bona le Elifase Amaleke; bao ke bomorwa Ata mosadi wa ga Esau. 13Ba ke bomorwa Reuele: Nahathe, Sera, Shamma, le Misa; bao e ne e le bomorwa Basemathe, mosadi wa ga Esau.
14Ba e ne e le bomorwa Oholibama morwadia Ana, morwadia Sibeone, mosadi wa ga Esau; mme a bona le Esau Jeuše, Jalame, le Kora.
15Ba ke dikgosana mo go bomorwa Esau, bomorwa Elifase motsalwapele wa ga Esau: Kgosana Temane, kgosana Omare, kgosana Sefo, kgosana Kenase. 16Kgosana Kora, kgosana Gatame, kgosana Amaleke; tse ke dikgosana tse di duleng mo go Elifase mo lefatsheng la Etome; bao ke bomorwa Ata.
17Ba ke bomorwa Reuele morwa Esau; kgosana Nahathe, kgosana Sera, kgosana Shamma, kgosana Misa. Tseo ke dikgosana tse di duleng mo go Reuele mo lefatsheng la Etome; bao ke bomorwa Basemathe mosadi wa ga Esau.
18Ba ke bomorwa Oholibama mosadi wa ga Esau: Kgosana Jeuše, kgosana Jalame, kgosana Kora; tseo ke dikgosana tse di duleng mo go Oholibama, morwadia Ana, mosadi wa ga Esau. 19Bao ke bomorwa Esau, mme tseo ke dikgosana tsa bone; Esau ke ene Etome.
Dikokomane tsa Seire
20Ba ke bomorwa Seire wa Mohori, banni ba lefatshe: Lotane, le Shobale, Sibeone, le Ana. 21Le Dišone, Esere, le Dišane; tseo ke dikgosana tse di duleng mo Bahoreng, bana ba ga Seire mo lefatsheng la Etome.
22Bana ba ga Lotane e ne e le Hori le Hemame; mme kgaitsadia Lotane e ne e le Timena.
23Ba ke bana ba ga Shobale: Alefane, Manahathe, Ebale, Shefo le Oname. 24Ba ke bana ba ga Sibeone: Aia le Ana; yo ke ene Ana yo o bonyeng metswedi e e metsi a a molelo mo nageng, ka a hudisa diesela tsa ga Sibeone rraagwe. 25Ba ke bana ba ga Ana: Dišone le Oholibama morwadia Ana. 26Ba ke bana ba ga Dišone: Hemetane, le Ešebane, le Itherane, le Kerane.
27Ba ke bana ba ga Esere: Bilehane, le Saafane, le Akane.
28Ba ke bana ba ga Dišane; Use le Arane.
29Tse ke dikgosana tse di duleng mo Bahoreng: kgosana Lotane, kgosana Shobale, kgosana Sibeone, kgosana Ana, 30kgosana Dišone, kgosana Esere, kgosana Dišane; tseo ke dikgosana tse di duleng mo Bahoreng, ka fa dikgosaneng tsa bone mo lefatsheng la Seire.
Dikgosi tsa Etome
31Tse ke dikgosi tse di busitseng mo lefatsheng la Etome go ise go buse kgosi epe mo baneng ba Iseraele. 32Bele morwa Beore a busa mo Etome; leina la motse wa ga gabo e ne e le Dinehaba. 33Bele a swa, mme Jobabe morwa Sera wa Bosera a busa mo boemong jwa gagwe. 34Jobabe a swa, mme Hušame wa lefatshe la Batemane a busa mo boemong jwa gagwe. 35Hušame a swa, mme Hatate morwa Betate, yo o kgemethetseng Midiane mo nageng ya Moabe, a busa mo boemong jwa gagwe; leina la motse wa ga gabo e ne e le Afithe. 36Hatate a swa, mme Samela wa Masereka a busa mo boemong jwa gagwe. 37Samela a swa, mme Shaule wa Rehobothe o o fa Nokeng, a busa mo boemong jwa gagwe. 38Shaule a swa, mme Baale-hanane morwa Akebore a busa mo boemong jwa gagwe. 39Baale-hanane morwa Akebore a swa, mme Hatare a busa mo boemong jwa gagwe; leina la motse wa ga gabo e ne e le Pau; leina la mosadi wa gagwe e le Mehetabele morwadia Matere, morwadia Mesahabe.
40A, ke maina a dikgosana tse di duleng mo go Esau, ka fa makgotleng a tsone, le ka fa mafelong a tsone, ka maina a tsone: Kgosana Timena, kgosana Alefa, kgosana Jethethe. 41Kgosana Oholibama, kgosana Ela, kgosana Pinone; 42kgosana Kenase, kgosana Temane, kgosana Mibesare; 43kgosana Magadiele, kgosana Irame; tseo ke dikgosana tsa Etome, ka fa mannong a tsone mo lefatsheng le di le ruileng. Yo ke ene Esau rraabo Baetome.
