1 DITIRAFALO 8

₁Benjamine a tshola Bele motsalwapele wa gagwe, Ašebele wa bobedi le Ahara wa boraro; ₂Noha wa bone, le Rafa wa botlhano.

₃Bele o ne a na le bana ba basimane: Atare, Gere le Abihute; ₄Abišua, Naamane le Ahoa; ₅Gere, Shefufane le Hurame.

₆Ba, e ne e le bomorwa Ehute: ba, e le ditlhogo tsa makgotla a borraabo mo banning ba Geba, mme ba ba isa botshwarong kwa Manahathe: ₇Naamane, le Ahija, le Gera a ba isa botshwarong; mme a tshola Use le Ahihute.

₈Sharaime a tshola bana kwa nageng ya Moaba, a sena go tsamaisa Hušime le Baara basadi ba gagwe. ₉Ene le Hoteše mosadi wa gagwe ba bona Jobabe, le Sibia, le Meša le Malekame; ₁₀le Juse, Shakia le Mirema. Bao e ne e le bomorwawe, ditlhogo tsa makgotla a borara.

₁₁Ene le Hušime ba bona Abitube le Elepaale.

₁₂Bomorwa Elepaale: Ebere, le Mišame le Shemete yo o agileng Ono le Lote le metse ya gone.

₁₃Beria le Shema, ba e ne e le ditlhogo tsa makgotla a borara mo banneng ba Aijalone, ba ba lelekileng banni ba Gathe; ₁₄Ahio, Shašake, Jeremothe. ₁₅Sebadia, Arate, le Etere, ₁₆le Mikaele, le Išipa, le Johe, bomorwa Beria.

₁₇Sebadia, le Mešulame, le Hišeki le Hebere, ₁₈le Išemerai, le Iselia le Jobabe, bomorwa Elepaale.

₁₉Jakime, le Sikeri le Sabedi; ₂₀Elienai, le Silethai le Eliele, ₂₁Ataia, le Beraia le Shimerathe, bomorwa Shimei.

₂₂Išepane, Ebere, le Eliele, ₂₃Abetone, Sikeri, le Hanane, ₂₄Hanania, Elame, le Anethothija, ₂₅Ifeteia, le Penuele, bomorwa Shašake.

₂₆Shamešerai, Sheharia, le Athalia, ₂₇Jaarešia, Elija, le Sikeri bomorwa Jerohame.

₂₈Bao e ne e le ditlhogo tsa makgotla a borara go ya le ditshika tsa bone batho ba batona; bao ba aga mo Jerusalema.

₂₉Mo Gibeone ga aga rra Gibeone Jeiele, leina la mosadi wa gagwe go twe Maaka; ₃₀le morwawe wa ntlha: Abetone, le Sure le Kiše le Baale le Natabe, ₃₁Getore, Ahio le Sekere. ₃₂Mikelothe a tshola Shimea. Bao le bone ba aga mo Jerusalema le bomorwa rraabo, ba lebaganye le bana ba ga rraabo.

₃₃Nere a tsala Kiše; Kiše a tshola Saule; Saule a tshola Jonathane le Malekišua, Abinatabe le Ešebaale. ₃₄Morwa Jonathane e ne e le Meribe-baale; Meribe-baale a tshola Mika.

₃₅Bomorwa Mika: Pithone, Meleke, Taree le Ahase. ₃₆Ahase a tshola Jehoata; Jehoata a tshola Alemethe, Asemafethe, le Simeri; Simeri a tshola Mosa; ₃₇Mosa a tshola Binee; Rafa e ne e le morwawe, Eleasa morwawe, Asele morwawe.

₃₈Asele o ne a na le bana ba basimane ba le barataro, maina a bone ke: Aserikame, Bokeru, Išemaele, Shearia, Obadia le Hanane. Botlhe bao e ne e le bomorwa Asele. ₃₉Bomorwa Ešeke monnawe: Ulame motsalwapele wa gagwe, Jeuše wa bobedi le Elifelete wa boraro.

₄₀Bomorwa Ulame e ne e le banna ba ba pelokgale, bahudi ka bora, ba bile ba na le bana ba basimane ba le bantsi, bomorwa bana ba le 150. Botlhe bao e ne e le bomorwa Benjamine.