1 DITIRAFALO 4

₁Bomorwa Juta: Perese, Heserone, Karemi, Hure le Shobale. ₂Reaia morwa Shobale a tshola Jahathe; Jahathe a tshola Ahumai le Lahate. Tseo ke ditshika tsa Basora.

₃Ba e ne e le bomorwa rra Etame: Jesereele, Išeme le Itebaše; leina la kgaitsadia bone e ne e le Haseleleponi; ₄Peneule e ne e le rra Getore, le Esere rra Huša. Ba e ne e le bomorwa Hure, motsalwapele wa ga Eferatha rra Bethelehema.

₅Ašure rra Tekoa o ne a na le basadi ba le babedi, Hela le Naara. ₆Naara a bona nae Ahusame, Hefere, Temeni le Hahašetari. Bao e ne e le bomorwa Naara. ₇Bomorwa Hela e ne e le Serethe, Isehare le Ethanane.

₈Hakose a tsala Anube, Sobeba le ditshika tsa ga Aharehele morwa Harume.

₉Jabese o ne a le tlotlego bogolo go bomorwa rraagwe; mmaagwe a mo raya leina la Jabese a re: “Ka gobo ke mmelege ka bohutsana.” ₁₀Jabese a rapela Modimo wa Iseraele a re: “A bo Modimo o ka ka wa ntshegofatsa wa ba wa nkatlhamosetsa molelwane, le gore seatla sa gago se ka ka sa nna le nna, le gone o ka ka wa nthibela mo bosuleng, gore bo se ntlele le bohutsana!” Modimo wa mo naya se o se lopileng.

₁₁Kelube monnaa Shuha a tshola Mehire, yo e ne e le rra Ešetone. ₁₂Ešetone a tshola Betherafa, Pasea le Tehina rra Irenahaše. Bao e ne e le banna ba ga Reka.

₁₃Bomorwa Kenase ke Otheneile le Seraia; le morwa Otheneile e bong Hathathe. ₁₄Meonothai a bona Ofera; Seraia a bona Joabe rra Mogeharaša; gonne e le badiri ba ditiro tsa botswerere.

₁₅Bomorwa Kalebe morwa Jefune ke Iru, Ela le Naame; le morwa Ela e bong Kenase. ₁₆Bomorwa Jehalelele ke Sife le Sifa le Tirie le Asarele.

₁₇Bomorwa Esera ke Jethere le Merete le Efere le Jalone, mme ene a tshola Miriame le Shamai le Išeba rra Ešetemoa. ₁₈Mosadi wa gagwe wa Mojuta a belega Jarete rra Getore, le Hebere rra Soko, le Jekuthiele rra Sanoa. Bao ke bomorwa Bithia morwadia Faro, yo Merete o mo tsereng.

₁₉Bomorwa mosadi wa ga Hodia, kgaitsadia Nahame, e ne e le rra Keila wa Mogareme le Ešetemoe wa Momaaka.

₂₀Bomorwa Shimone ke Amenone le Rina le Benehanane le Tilone. Bomorwa Iši ke Sohethe le Benesohethe.

₂₁Bomorwa Shela morwa Juta: Ere rra Leka, le Laata rra Mareša, le ditshika tsa lekgotla la ba ba logang leloba le le boleta ba lekgotla la ga Ašebee; ₂₂le Jokime, le banna ba Kosebe, le Joaše, le Sarafe, e le ba ba neng ba na le puso mo Moabe, le Ješubi-leheme. Dikwalo tsa dilo tse ke tsa bogologolo. ₂₃Bao e ne e le babopi ba dipitsa le banni ba Netaima le Getera; ba ne ba agile le kgosi gone ba agetse tiro ya yone.

₂₄Bomorwa Simeone ke Nemuele le Jamine le Jaribe le Sera le Shaule; ₂₅Shalume morwawe, Mibesame morwawe, Mišeme morwawe. ₂₆Bomorwa Mišeme ke Hamuele morwawe, Sakure morwawe Shemei morwawe. ₂₇Shemei o ne a na le bana ba basimane ba le 16, le ba basetsana ba le barataro; bomonnawe ba ne ba se na bana ba le bantsi, le gone losika lotlhe lwa bone ga lo a ka lwa ntsifala jaaka bana ba Juta.

₂₈Ba aga kwa Beerešeba, le Molata, le Hasare-šuale; ₂₉le kwa Bileha, le kwa Eseme, le kwa Tolata; ₃₀le kwa Bethuele, le kwa Horema, le kwa Sikelage; ₃₁le kwa Bethe-marekabothe, le Hasare-susime, le kwa Bethebiri, le kwa Sharaaime. Eo e ne e le metse ya bone go tla go fitlha mo pusong ya ga Dafite. ₃₂Metsana ya bone e ne e le Etame, Aine, Rimone, Tokene le Ašane, metse e le metlhano, ₃₃le metsana yotlhe ya bone e e mo tikologong ya metse eo go fitlha kwa Baale. Ao e ne e le maago a bone, ba bile ba na le polelo ya losika lwa bone, e e rulaganyeng.

₃₄Le Mešobabe, le Jameleke, le Joša morwa Amasia; ₃₅le Joele, le Jehu morwa Jošibia, morwa Seraia morwa Asiele; ₃₆le Elioenai, le Jaakoba, le Ješohaia, le Asaia, le Adiele, le Jesimiele le Benaia; ₃₇le Sisa morwa Shifi, morwa Alone, morwa Jetai, morwa Shimiri, morwa Shemaia. ₃₈Ba ba umakwang ka maina e ne e le dikgosana mo ditshikeng tsa bone; mme makgotla a borraabo a totafala thata. ₃₉Mme ba ya kwa botsenong jwa Getore, ba ya fela kwa moseja ga molapo ka fa botlhabatsatsi go batlisa matsomane a bone bohulo. ₄₀Ba fitlhela bohulo jo bo monono jo bo molemo, le lefatshe le atlhame le ituletse fela le le kagisong; gonne ba ba kileng ba aga gone pele e ne e le ba ga Hame.

₄₁Ba, ba ba kwadilweng ka maina, ba tsile mo metlheng ya ga Hesekia kgosi ya Juta, ba kgemetha megope ya bone le Bameuni ba ba fitlhelwang gone ba ba senyetsa ruri, nako ke eno, mme ba aga boemong jwa bone, gonne go le bohulo jwa matsomane a bone gone. ₄₂Bangwe ba bone, e bong ba bomorwa Simeone, banna ba ba 500, ba ya thabeng ya Seire, balaodi ba bone e le Pelatia, Nearia, Refaia le Usiele, bomorwa Iši. ₄₃Ba kgemetha masalela a Baamaleke a a falotseng, mme ba sa le ba aga gone, nako ke eno.