Pisalema ya 70

₁We Xikwembu ndzi lamulele,

hatlisa u ta ndzi pfuna we HOSI.

₂Lava ringetaka ku ndzi dlaya,

va nyumise u va khomisa tingana;

lava tsakaka loko ndzi ri ekhombyeni,

va tlherise u va tsongahata.

₃Lava sandzaka va ku: “Aháà! Aháà!”

a va tlheriseriwe ndzhaku va khomiwa hi tingana.

₄Hinkwavo lava taka eka wena, va tate hi ntsako;

lava tsakelaka ntirho wa wena wa ku ponisa,

a va hambe va ku: “Xikwembu i xikulukumba.”

₅Ndzi xisiwana, ndzi pfumala swa le mandleni:

We Xikwembu, hatlisa u ta ka mina.

We HOSI, u mupfuni ni muponisi wa mina,

hatlisa u ta ndzi pfuna.