Pisalema ya 54
Xikhongelo xo kombela ku lamuleriwa eka valala
Risimu ra Muyimbelerisi, leri hlaveleriwaka hi swipendana. Swiletelo swa Davhida, loko va le Zifi va yile eka Sawulo, va ya n'wi byela va ku: “Davhida ú tumberile exikarhi ka hina.”
1We Xikwembu, ndzi ponise hi vito ra wena ra matimba,
ndzi lamulele hi ntamu wa wena;
2yingisa xikhongelo xa mina we Xikwembu,
rhiya ndleve u twa leswi ndzi swi vulaka.
3Vanhu va le handle va ndzi hlasela,
va lava ku ndzi dlaya hi tihanyi ta vona;
Xikwembu, a va na mhaka na xona.
4Xikwembu i mulweri wa mina,
N'wini wa hinkwaswo hi yena la tameleke vutomi bya mina,
5ú ta ba valala va mina a va bela vubihi bya vona.
We Xikwembu, leswi u tshembekeke, va herise va ku bi!
6Ndzi ta ku humesela magandzelo hi ku titwa;
we HOSI, ndzi ta dzunisa vito ra wena, hikuva u lulamile.
7U ndzi lamulerile emakhombyeni hinkwawo,
a ndza ha chavi loko ndzi vona valala va mina.
© Bible Society of South Africa 1989. Used with permission. All rights reserved.
