Pisalema ya 133

₁A hi ku tsakisa ka swona ni ku nandziha

loko vamakwavo va tshama swin'we va ri karhi va twanana.

₂Swi fana ni mafurha layo nun'hwela

lama cheriweke enhlokweni ya Aroni,

ma xiririka emalebvini ya yena,

ma ya fika ni le nhan'wini.

₃Swi fana ni mberha ya Hermoni

loko yi wela etintshaveni ta Siyoni,

laha HOSI Xikwembu xi katekisaka vanhu xi ri kona,

xi va nyika vutomi hilaha ku nga heriki.