Pisalema ya 150

₁Dzunisani HOSI!

Dzunisani Xikwembu exivandleni xa xona lexo hlawuleka,

xi dzuniseni ehansi ka tilo leri kombaka matimba ya xona.

₂Xi dzuniseni, hikuva xi endlile leswo hlamarisa,

xi dzuniseni hikuva i Xikwembu lexikulu ngopfu!

₃Xi dzuniseni mi mbvungunyisa mhalamhala,

xi dzuniseni hi tiharipa ni swipendana swa n'wina.

₄Xi dzuniseni hi ku cina mi ri karhi mi ba swingomana,

xi dzuniseni hi switende, mi chaya ni tinanga.

₅Xi dzuniseni hi ku bananisa swiphambati swa nsimbhi

leswikulu ni leswitsongo.

₆Hinkwaswo leswi hefemulaka, a swi dzunise HOSI Xikwembu!

Dzunisani HOSI!