Yobo 36

₂“We Yobo, ndzi lehisele mbilu,

ndza ha lava ku hlamusela maendlele ya Xikwembu.

₃Vutivi bya mina byi huma kule,

byi tiyisa ku lulama ka Muendli wa hina.

₄Hakunene, ndzi vula ntiyiso ntsena;

loyi vutivi bya yena byi heleleke, ú kwala mahlweni ka wena!

₅“Xikwembu xi ni matimba, kambe a xi sandzi munhu;

ina, xi ni matimba, makungu ya xona ma tiyile.

₆Lavo homboloka, a xi va tshiki va hanya,

xi lwela lava xanisiwaka,

₇lava lulameke, a xi va fularheli.

“Xi veka vafumi eswiluvelweni swa vona,

xi va tshamisisa kona nkarhi wo leha,

kambe loko va sungula ku tikurisa,

₈xi va tshika va bohiwa hi tinketani,

va wela emapindzini ni le makhombyeni.

₉Xi va komba mintirho ya vona leyo biha,

ni xidyoho xa ku tikurisa ka vona.

₁₀Xi va pfula tindleve, xi va tsundzuxa,

xi va lerisa ku hundzuka va tshika vudyoho.

₁₁Loko va yingisa va xi tirhela,

va ta hanya malembe layo tala va tsakile, va fela eku sasekeni.

₁₂Kambe loko va nga yingisi,

va ta herisiwa hi matlhari, va fa va nga tivanga nchumu.

₁₃“Lava vengaka Xikwembu, va tshama va xi hlundzukerile;

loko xi va tshika va khomiwa, a va rili eka xona.

₁₄Va fa va nga si kula,

mahanyelo ya vona ya tingana ma hatla ma va dlaya.

₁₅Loko va ri vaxaniseki, Xikwembu xi tirhisa maxangu ku va ntshunxa,

xi va hlamula hi mahlomulo.

₁₆“We Yobo, Xikwembu a xi ku tsavurile emakhombyeni,

xi ku veka exivandleni lexi anameke,

xi ku phamela swa mafurha ntsena.

₁₇Kambe sweswi u avanyiseriwa makumu kukota vasandzi,

ku avanyisiwa ni ku biwa swi ku fikerile.

₁₈U nga tshuki u hluriwa hi vukari, u tiarisa;

u nga ringeti ku humesa mali yo tala, u riha milandzu ya wena.

₁₉Xana ku rila, swi nga ku pfuna ke? E-e, ku nga ri emaxangwini ya wena,

hambiloko u ringeta hi matimba!

₂₀U nga naveli ku vona vusiku

lebyi vamatiko va nga ta herisiwa ha byona.

₂₁Tivonele, u nga tlheleli eka leswo biha,

hikuva u swi tsakela ku tlula eku titsongahata.”

₂₂“Xikwembu xi ni matimba, xa fuma,

ku hava mudyondzisi wo fana na xona.

₂₃I mani la tshamaka a xi komba matirhele,

kumbe ku xi tshinya a ku: ‘U hoxile!’ ke?

₂₄We Yobo, u nga rivali ku dzunisa mintirho ya xona,

yi nga leyi vanhu hinkwavo va yi twariseke hi tinsimu,

₂₅leyi va yi voneke hi mahlo ya vona,

va yi languteke hi le kule.

₂₆“Xikwembu i xikulu ngopfu, hi nge xi twisisi;

vukhale bya xona a byi pimeki.

₂₇Hi xona xi hlengeletaka mathonsi ya mati,

xi tisa hunguva, xi lunghisa mpfula,

₂₈mapapa ma kondza ma yi chululela

etinhlokweni ta vanhu, yi nela lavo tala.

₂₉I mani la nga twisisaka Xikwembu, loko xi fambisa mapapa,

ni loko xi dzindzisa tilo ra xona, ke?

₃₀Xi hoxa rihati ehenhla matilweni,

xi tata swidziva swa lwandle hi mati.

₃₁Hi tona tindlela ta xona to hlayisa matiko,

ni ku ma phamela swakudya hi xitalo.

₃₂Xi rhanga xi fihla rihati emandleni ya xona,

kutani xi ri lerisa ku ya ba endhawini yo karhi,

₃₃ri landzeleriwa hi huwa ya rona;