TIPISALEMA 93

₁Yehovha wa fuma, u ambele vukulukumba,

Matimba i xiambalo xa Yehovha, ni vamba ra yena;

Hikwalaho misava yi tiyile, yi nga tsekatseki.

₂Xiluvelo xa wena xi tiyile ni le mikarhini ya khale;

Ana u ri kona emikarhini leyi nga riki na ku sungula.

₃Oho Yehovha! Milambu yi tlakukile,

Milambu yi tlakuse rito ra yona;

Milambu yi pfumisa mati ya yona.

Yehovha u ni matimba le tilweni ra le henhlahenhla,

₄Ku tlurisa rito ra mati lamakulu,

Ni ku pfuma ka magandlati ya lwandle.

₅Vumbhoni bya wena bya tshembeka ngopfu;

Ku kwetsima ku fanele yindlu ya wena,

Oho Yehovha! Hi laha ku nga heriki.