TIPISALEMA 87

₁Masungulo ya Siyoni ma le tintshaveni leto kwetsima.

₂Yehovha u rhandza tinyangwa ta yena,

Ku tlurisa maako ya Yakobo hinkwawo.

₃Timhaka to kwetsima ti vuriwile ehenhla ka wena,

Muti wa Xikwembu!

₄Exikarhi ka lava ndzi tivaka ndzi ta hlaya Egipta na Babilona;

Matiko ya Vafilista na Tiri, na Etiyopiya: ma velekiwe kona,

₅Ni le Siyoni va ta ku:

“Un'wana ni un'wana u velekiwe kona,”

Muungameri la tlakukeke hi yena la wu tiyisaka.

₆Kutakuloko Yehovha a hlaya matiko,

U ta tsala, a ku: “Va velekiwe kona.”

₇Swiyimbeleri ni vacini va ta ku:

“Miseledyana hinkwayo ya mina yi le ka wena.”