Ku avanyisa ka Xikwembu.
Eka mufambisi wa vasimi. “U nga lovisi.” Pisalema ya Asafa. Risimu.
1Ha ku tlangela, oho Xikwembu, ha ku tlangela,
Vito ra wena ri le milon'wini ya hina;
Hi hlaya swihlamariso swa wena.
2Enkarhini lowu ndzi nga ta va ndzi wu pimile,
Ndzi ta avanyisa hi ku lulama.
3Misava yi tsekatseka ni hinkwavo lava akeke eka yona,
Mina ndza tiyisa timhandze ta yona.
4Ndzi ku eka lava tidzunisaka:
“Mi nga tshuki mi tidzunisa!” Ni ka timbabva: “Mi nga tlakusi tinhloko!”
5Mi nga tlakusi tinhloko swonghasi,
Mi nga vulavuli hi ku tikurisa swonghasi!
6Hikuva ku tlakusiwa a ku humi evuxeni,
Hambi le vupeladyambu, hambi le mananga,
7Kambe i Xikwembu lexi avanyisaka;
Xi tsongahata un'wana, xi tlakusa un'wanyana.
8Hikuva ku ni ndzheko evokweni ra Yehovha,
Lowu ku vilaka eka wona, vhinyo leyi teleke leswi pfanganyetiweke.
Kutani yena wa chela ha wona; kunene lavo biha hinkwavo va misava,
Va ta tswontswa, va nwa, va ko va heta.
9Kutani mina, ndzi ta hlaya timhaka teto hi masiku ni masiku,
Ndzi ta yimbelela eka Xikwembu xa Yakobo.
10Kutani ndzi ta wisa matimba hinkwawo ya lavo biha;
Matimba ya lavo lulama ma ta tlakusiwa!
